DÍLI----Ministru Prezidensia Kosellu Ministru (MPKM) Fidelis Manuel Leite Magalhães, informa, reuniaun Konsellu Ministru deside extende tan Serka Sanitária ba semana ida tan iha Munisipiu Baukau no hapara ona Serka Sanitária iha Munisípiu Vikeke.

“Konsellu Ministru rona aprezentasaun hirak ne’e hotu no ikus liu Konsellu Ministru deside pontu rua, relasiona ho asuntu ida ne’e, primeiru Konsellu Ministru deside extende Serka Sanitaria iha Munisípiu Baukau ba periodu loron hitu no semana ida tan,” Dehan Ministru Prezidensia Kosellu Ministru (MPKM) Fidelis Mauel Leite Magalhães hafoin remata reuniaun Konsellu Ministru ba Jornalista sira iha Salaun Auditorium Ministériu Finansas, Ai-Tarak laran Díli, Kuarta (09/06).

Governante ne’e hatutan, Konsellu Ministru deside hapara ona impozisaun Serka Sanitária iha Munisípiu Vikeke, tanbá tuir dadús estatístika husi Sentru Integradu Jestaun Kriji hatudu katak, númeru infektadu kazu pozitivu hahú menus. “Konsellu Ministru mós deside, hakotu no hapara impozisaun no Serka Sanitária iha Munisípiu Vikeke, tanbá ne’e Munisípiu Vikeke laiha ona Serka Sanitária, tanbá tuir estatístika no dadús sira, liu-liu kona-bá taxa infeksaun, ne’ebé maka hatudu melloramente, maske seí presiza nafátin hodi husu ba ita-nia iha Munisípiu Vikeke hodi kumpri kontribui makás liu tan, hodi redús taxa infeksaun iha Munisípiu refere,”

Ho ida ne’e, Konsellu Ministru rona no aprezentasaun kona-bá situasaun epidomelojia iha ita-nia rai laran, ne’ebé mak husi Sentru Integradu Jentaun Krije, hato’o informasaun kona-bá situasaun iha Munisípiu sira hotu, liu-liu iha Munisípiu Díli. Alende ne’e mós Konsellu Ministru rona husi Vise-Primeira Ministra no atuál Minisitra Soliedairedade Sosiál no Inkluzaun, ne’ebé maka reprezenta komisaun interministerial Governu nian ba vasina.

Iha aprezentasaun ne’e hato’o ho detallu kona-bá ritmu vasina nian, no dezafiu hirak ne’ebé maka hasoru iha terenu, kompozisaun no ekipa sira ne’ebé maka iha terenu, disponibilidade vasina nian, asaun esforsu kona-bá oinsá atu kombate propaganda hirak ne’ebé maka estrga vasina nian. Entretantu, Konsellu Ministru mós ku’alia kona’bá oinsá ita ejize liu tan funsionáriu públiku sira atu saí banati di’ak ba vasinasaun, nune’e bele hetan vasina ba iha servisu fátin.

“Primeiru Ministru horseik enkontru ho autoridade lokál sira, ne’ebé maka ezije, ba kontestu ida ne’e, Governu husi Primeiru Ministru to’o funsionáriu sira hotu, tenki hatudu exemplu di’ak ba ita nia komunidade sira, atu nune’e bele hatuur konfiansa ba públiku nia let, tanbá vasina ne’e, pozitivu importante tebés, ba ita-nia nasaun ninia esforsu atu normaliza hikas ba situasaun iha rai laran, ezije liu-liu husu funsionáriu no adminsitrasaun públiku sira, atu bele hetan nafátin vasina,” Informa nia. (BT)