DÍLI----Komandante Jerál Pollisia Nasional Timor-Leste (PNTL) Komisáriu Faustino Da Costa hafoin remata hasoru ho Primeiru Ministru ba Jornalista sira hatete, Prontu simu orden husi Governu husik kargu hanesan Komandante Jerál Polísia Nasionál Timor-Leste (Komjer- PNTL)

“Sosiedade Sivil husu Kamandante Jeral PNTL atu rezigna an, tanba Sosiedade Sivil konsideral laiha kapadidade, situasaun ida ne’e aprezenta ohin, ami rasik aprezenta ba Primeiru Ministru katak, hanesan lideransa iha instituisaun PNTL ami prontu simu orden husi Governu,” Dehan Komandante Jerál Pollisia Nasional Timor-Leste (PNTL) Komisáriu Faustino Da Costa hafoin remata enkontru ho Primeiru Ministru Taur Matan Ruak, ba Jornalista sira iha Residensia PM Farol, Segunda (07/06).

Komisáriu Faustino Hatutan, Konabá kazu lahane dehan ba publiku katak, kazu ida ne’e la’o ho akontese duni, ne’ebe maka nia prosesu la’o ona, oknum no autor ne’ebé maka halo asaun ida ne’e, administrativamente instituisaun estadu nian, komandu PNTL nia kompetensia aplika ona. “Nune’e bele iha transparansia ba kazu ida ne’e, mak PNTL koordena ho Polisia Sienstifika Investiga Kriminal (PSIK), ne’ebe maka atende ona ba kazu ida ne’e,” deha nia

Tantu husi autor no armas ne’ebe maka nia uza PSIK sei halo ezame balestiku, hodi supmete ba prosesu. Enkuantu, administrativamente ba kazu ida ne’e primeiru asaun, ne’ebe mak membru ida ne’e halo ba ita nia komunidade sira, no halo mos asaun administrativu ba parte sira seluk.

KomJer Komisariu Faustino dehan, Situasaun ida ne’e husi membru oknum mak halo, la’os instituisaun PNTL tanba instituisaun PNTL estadu no povu tomak nian, hanesan komandu ne’ebe maka fo sai katak, korus no fardas ne’ebe maka instituisaun iha ne’e kor husi ruin no ran ba ema sira ne’ebe maka mate ba rai ida ne’e. “Aktu ida ne’ebe maka akontese pessoal oknum ida, ne’ebe mak nia tenki simu konsekuernsia tuir prosedimentu ita nia lei ne’ebe maka vigor iha RDTL,” hateten nia

Akontesimentu ida ne’e, komandu PNTL husu ba Parte hotu, fó fiar nafatin ba Polisia Nasional Timor-Leste, sei esforsu ne’e tomak, hare konaba situasaun failla iha pasadu, nune’e bele iha garantia, sei hadia duni ba futuru. Tanba akontese ne’e la’os deit iha Lahane, maibe akontese mos iha Tasi-Tolu, Taibessi no Lahane ninian, komandu sei la tolera se deit, atu membtu ida no komandante ida mak falla atu implementa regra lei ne’ebe maka iha, konsekuensia sei atribui ba nia.

“Konabá membru sira fora oras servisu nian, maibe uza nafatin arma, Faustino esplika laos deit iha orden komandu, maibe organika Polisia Nasional Timor-Leste nian, tanba ne’e komandu la iventa, orden ida ne’e bainhira failla iha implementa lei sira ne’e, parte ne’ebe deit, sei hetan konsekuensia bazeia artigu ida ne’e, organika iha dekretu 43, hanesan mos normas ampañiamentu ba organizasaun, prosesu PNTL nian, hatur momos, ne’ebe ida ne’e mak ita sei halao duni,” Informa nia. (BT)