DÍLI----Diretór Nasionál Empregu Exteriór (DNEE) Sekretáriu Estadu Formasaun Profisionál no Empregu (SEFOPE) Filomeno Soares, Informa, Estadu Formasaun Profisionál no Empregu halo despedida ne’ebé ohin atu aranka ba servisu iha Korea Súl, maibé na’in lima (5) sei adi’a fila-fali ba tempu seluk tanbá rezultadu teste PCR hatudu pozitivu COVID-19 no traballadór ne’ebé ohin aranka ba Korea Súl hamutuk na’in-65.

“Traballadór Timoroan na’in hitunulu (70) ne’ebé horseik iha loron 03 fulan Juñu tinan 2021 Sekretáriu Estadu Formasaun Profisionál no Empregu halo despedida ne’ebé ohin atu aranka ba servisu iha Korea Súl, maibé na’in lima (5) sei adi’a fila-fali ba tempu seluk tanbá rezultadu teste PCR hatudu pozitivu COVID-19,” Hateten Diretór Nasionál Empregu Exteriór (DNEE) Filomeno Soares ba jornalista sira hafoin despedida ho traballador sira, iha Aeroportu Nicolau lobato Komoro-Dili, Sexta (04/06).

Entretantu traballadór ne’ebé ohin atu aranka ba Korea Súl hamutuk na’in ne’en-nulu-resin-lima (65), ho aviaun Air Asia. “Traballadór hirak ne’e maioria mane, foin mak atu ba servisu dahuluk, ne’ebé na’in haat-nulu-resin-ida (41) mak servisu iha área Peskas no na’in ruanulu-resin-ha’at (24) mak iha área Fábrika,” Informa nia.

Enkuantu, horseik Diretór Jerál SEFOPE Paulo Alves, haktuir katak, Traballador sira ne’e prepara ba Korea do Sul maibé sei prosesu hein rezultadu teste swab depois lolos sira na’in-80 maibé na'in-10 kanseladu razaun fixa mate no na’in-70 ba servisu iha area rua hanesan Fabrika no Peskas. “Iha prosesu nia laran ita Governu Korea presiza na'in-80 maibe lakongese na’in-5 fixa mate no na’in-5 sei muda fali ba oportunidade tanba aviaun labele akomoda sira hotu, sira seluk sei muda ba fulan Jullu na’in-70 mak aban aranka maibe sei hein prosesu teste Swab,” Dehan Diretór Jerál SEFOPE Paulo Alves.

Nia hatutan, Traballadores sira ne’e sei hein rezultadu teste swab husi mediku negativu entaun sei aranka, maibé sé pozitivu entaun hein no muda ba tempu seluk. Traballadores hirak ne’e, na’in-46 ba peskas no na’in-24 ba area fabrika, desde prepara traballaderes sira ne'e maibé lakonsege ba tanba ho pamdemia global ne'ebe mak afetadu. (BT)