DÍLI----Governu liu husi Ministra Saúde (MS) Odete Maria Freitas Belo, Informa, Ministeriu Saúde kontinua nafatin fahe informasaun asuntu tekniku kona ba vasina oinsa populasaun ka komunidade sira bele hetan vasina ba sira-nia imunizasaun.

“MS nia obrigasaun atu bele kontinua nafatin fahe informasaun liliu ba asuntu tekniku sira ne’ebé mak hanesan ohin hatoo husi bairo pite, ha’u hakarak hatete mos katak ita hotu-hotu iha obrigasaun atu fahe informasaun kona ba vasina ne’e saida mak vasinasaun ne’e rasik ita presiza atu fahe, importante mak atu rona,” Hateten Ministra Saude Odete Maria Freitas Belo, ba jornalista sira iha salaun CNE Díli, Sexta (04/06).

Entaun interese atu partisipa iha seremonia ka iha eventu ida ne’e atu bele rona saida mak ema hakarak no fahe mos saida mak ami hatene prontu tuir lolos ne’e atu partisipa deit iha abertura maibé atraza uituan iha abertura. “Ha’u iha espetativa boot no ha’u iha esperansa katak saida mak ita rona, saida mak ita fahe ba malu ne’e labele husik deit iha ita maibé ita mos kontinua fahe ba ita-nia komunidade sira liliu komunidade sira ne’ebé mak hanesan ohin ita dehan la iha asesu televizaun, laiha asesu ba telefone, entaun ita-nia obrigasaun atu fahe informasaun sira ne’ebé mak ita ohin hetan iha fatin ida ne’e ba sira,” dehan nia

Nia informa, Iha sensibilizasaun ita halo nafatin no ita fahe nafatin informasaun pesoal saude sira komesa esrvisu hamutuk ho sefe aldeia no sefe suku sira ne’e foin hahú atu bele hare liu ba iha 80% no iha 20% ne’e dalaruma informasaun ne’e ladun kompletu buat sira ne’e maibé ita fahe informasaun. Nia dehan, Agora atu atinji no atu lori vasina ne’e atu kobre ba too iha populasaun ida 80% ne’e ita labele servisu naftin maibé ita tenki muda ona ita nia estratejia oinsa para atu bele hadia no hadia ita nia kobertura vasinasaun ba covid-19 nian.

“Esforsu ita halo mak ne’e hanesan ita mesak deit labele no MS saúde mesak deit labele dauluk atu lori informasaun ita tenki halibur ema hamutuk lai, atu ba halibur iha ne’ebé, entaun se mak tenki halibur, komunidade ne’e se nian, ne’e ita hare dehan ami servisu hamutuk ho estatal, xefe suku, xefe aldeia sira, atu bele mobiliza ema iha fatin ida entaun lori mai iha sede suku, xefe aldeia sira atu bele mobilize ema iha fatin ida, entaun ami-nia pesoal saúde mak ba fahe informasaun no ita rona saida mak sira hakarak,” Relata nia. (BT)