DÍLI----Diretor Jerál Empregu husi Sekretáriu Estadu Formasaun Proflsionál No Empregu (SEFOPE) Paulo Alves, informa SEFOPE rejista tan traballador timoroan ne’ebé servisu iha Korea do Sul, balun enfrenta problema pasaporte expire (mate), tanba ne’e parte governu relevantes sira halo hela koordenasaun atu oinsa bele rezolve.

“Informasaun ne’ebé ita simu hosi adidu, iha ita-nia traballadór hamutuk na’in-50 nia pasaporte expire, normalmente kuandu ita atu extende pasaporte ne’e, kuandu laiha situasaun COVID-19. Ministériu Justisa (MJ) no SEFOPE sei haruka ofisial ruma atu trata, maibé tanba tinan ne’e iha situasaun covld-19 mak difisil tebes, tanba ne’e SEFOPE halo ona koordenasaun ho MJ no Ministériu Negósiu Estranjeiru no Kooperasaun (MNEK) atu buka dalan no rezolve kestaun ne’e,” Hatete Diretor Jerál Empregu husi SEFOPE, Paulo Alves, informa iha salaun SEFOPE, Kaikoli-Díli, Kuarta (12/05).

Nia hatutan, Ba sira ne’ebé mak ita preokupa tanba balun ne’ebé kontratu seidauk remata sei servisu hela, ida ne’e ita-nia preokupasaun, ita hato'o hotu ona para ita espera katak ita-nia embaixada, MNEK ho Ministeriu kompetente bele foti asaun ida ne’e no bele fasilita pasaporte ba ita-nia traballador ne’ebé iha Korea do Sul. “Ita iha dalan bainhira situasaun la permite, sei iha desizaun hosi nai ulun sira iha área relevante bele halo buat ruma hanesan oferese dokumentu ruma hodi fasilita traballador sira ne’ebé pasaporte mate,” dehan Paulo 

Nia relata katak, Karik esforsu hotu la konsege mak SEFOPE sei koordena ho MNEK hodi komunika ba parte Embaixada Timor-Leste iha Korea atu oinsa bele hare preokupasaun ne’e. “Total traballador iha Korea do Sul ne’e hamutu-160 ital mak sei iha Korea do Sul maibé ho pasaporte ne’ebé mak expire ona tuir informasaun ne’ebé mak ami simu ne’e 50 traballor maibé na'in hira mak sei kontratu ne’e relatoriu ne’e seidauk iha ha’u nia liman maibé ita-nia preokupasaun ne’e ba ita nia traballador sira ne’ebé pasaporte expira ona no hela fulan-6 expira ona ita halo oinsa para fasilita pasaporte,” Informa nia. (BT)