DÍLI----Sekretariu Estadu Formasaun Profisionál No Empregu (SEFOPE) Alarico do Rosario fó agradese ba Ajensia United Nation Development Program (UNDP-sigla Ingles) ne’ebé iha inisiativa hodi servisu hamutuk iha programa Estajiu Nasionál iha Timor-Leste liliu ba Universidade ne’ebé Graduadu ona, maibé seidauk iha esperiensia.

“Ha’u hakarak agradese ba ajensia UNDP ne’ebé mak iha inisiativa atu servisu hamutuk ho SEFOPE iha programa estagiu ba foin sae timoro’an sira, ba asina akordu kooperasaun servisu ohin SEFOPE hare’e ida ne’e hanesan kooperasaun servisu ne’ebé importante hanesan oportunidade ba servisu ba foin sae dezempregu sira liliu ba graduadu sira ne’ebé mak seidauk hetan esperiensia husi universidade sira,” Hateten SEFOPE Alarico do Rosario liuhusi-nia diskursu iha salaun SEFOPE kaikoli Dili, Kuarta (12/05).

Nia hatutan, SEFOPE mós iha hanoin koopersaun UNDP servisu hamutuk ho SEFOPE la’os de’it iha programa estajiu nasionál de’it, maibé espera iha futuru oin mai bele iha programa seluk. “Ha’u mós hanoin kooperasaun servisu ho SEFOPE la’os de’it iha programa ida ne’e, maibé espera bele servisu hamutuk liu tan iha programa seluk ba futuru, ida ne’e mak ami hato’o no fó hanoin ba UNDP ne’ebé atu servisu hamutuk ho SEFOPE,” hatete Alarico.

Nia dehan, Programa Estajiu Profisionál bu’at hun la’os bu’at foun ba SEFOPE, tanab lao tinan barak ona, entaun SEFOPE mós iha esperiensia barak ba estajiu programa ida ne’e tanba Ida ne’e mós kolaborativu entre governu no setor privadu atu fasilita oportunidade espresu ba foin sae sira iha servisu fatin no iha ne’ebé de’it.

“Ha’u mós nota katak programa husi UNDP ne’e album ba universidade sira, konsidera foun entaun enkoraza servisu ba akipa tekniku sira hotu atu utiliza mekanizmu servisu ne’ebé governu estabelese ona iha RDTL, Ida ne’e ita bele hadia sistema servisu durante sustentavel programa ida ne’e ba oin, espeksaun final mak apoiu programa sira ne’e hanesan no remata, governu bele ona kapasita naton atu kaer rasik ona programa ne’e iha futuru oin mai,” Relata nia.

Nia dehan tan, SEFOPE husu ba joventude sira oportunidade ne’ebé mak UNDP hato’o mai liu husi Governu Timor-Leste, atu joven sira aproveita tempu ida ne’e ho di’ak atu labele haklaken pedidu no esperiensia liu programa foin sae ne’e. “Husu ba joven sira oportunidade ne’ebé mak UNDP hato’o mai liu husi Governu Timor-Leste, sefope estajiu ba joven sira katak aproveita tempu ida ne’e ho di’ak atu labele haklaken ita bo’ot sira nia pedidu no esperiensia liu husi programa estagiu foin sae ida ne’e,” Tenik Alarico.

Nia hakotu, ida ne’e mak lori Governu nia naran hato’o ba joven sira ne’ebé hetan Oportunidade karik labele husik hela oportunidade, lori oportunidade ne’e ba oin no bele hadia pedidu ho programa ba oin atu servisu ba ita nia rain tenki aprende barak, liu husi aprende ita bele hatene oportunidade ida ne’e hodi tane ita nia Rain no hi’it ita nia Rain iha futuru oin mai. (BT)