DÍLI----Representante Povu iha uma Fukun Parlamentu Nasional liuhusi Bankada Fretilin-Deputada Lidia Norberta Hatete Relasiona ho Inundasaun ne’ebé akontese iha Fulan kotuk ne’ebé mak komunidade sira infrenta, laiha bee-moos, no komunidade sira hodi masa ne’e ba kuru bee dudu de’it iha tasi laran hafoin hakat ba Lagoa sorin hodi kuru bee-moos tanba ne’e, husu Govenante sira liu-liu Sekretariu Estadu Protesaun Sivil (SEPS), atu bele tau atensaun ba situasaun refere.

“Bazeia ba Komunidade sira MasLidun durante loron hirak ami hare sira halerik los ba bee-moos tanba ne’e, ami rekomenda ba parte Governu liu-liu Protesaun Sivil, sei bele karik hare’e situasaun ida ne’e, tanba naton apoiu fofoun ne’e hot-hotu fó apoiu hotu maibé tempu ne’ebé mak passa entaun hare’e ema barak mak apoiu entaun balun ses tiha, afinal ses ne’e ita-nia maluk sira ne’e kontinua halerik,” Dehan Deputada Lidia Norberta ba Jornalista sira iha Resintu PN, Tersa (04/05).

Nia Hatutan, Governu liliu Protesaun Sivil nomós Ministeriu relevantes sira hodi bele hare’e kona-ba ida ne’e no esforsu kanaliza atu bele atende ita-nia maluk sira ne’ebé mak susar ba bee-moos. Nia dehan, Komunidade MasLidun laos halerik ba bee-moos deit maibe dadaun ne’e hanesan ne’e ba sira risku iha saúde hotu mos, liu-liu ba labarik ki’ik sira bele kabun moras, laos ba labrik de’it mais mós ba ema bo'ot, sei bele Parte saúde mós hare’e ba ida ne’e no halo kedas konsulta saúde ba iha fatin refere.

Nia relata tan katak, Antes, Komunidade husi Maslidun Maria Gorete Afonsu Lay, husu ba governu ka kompañia hodi atende lalais profil ne’ebé mak husi kompañia balun semana liu ba tau hela iha Maslidun, maibé to'o agora seidauk ense bee-moos, tanba ne’e husu ba governu atu atende lalais profil oinsa komunidade Maslidun bele asesu ba bee-moos.

“Tuir ami-nia preokupasaun mak ne’e agora ita nia kompañia no governu sira tau dadauk profil bo'ot iha ne’e mos agora ami husi Maslidun seidauk asesu ba bee-moos, entaun ha’u husu ba kompania ka governu atende kona-ba bee-moos ne’e ami hakarak governu sira mai lalais para tau bee-moos atu nunee ami mos bele asesu ba bee-moos,” Hatete Komunidade husi Maslidun Maria Gorete Afonso Lay ba jornalista BT iha Maslidun Díli, Tersa (27/04).

Nia hatutan, Tanba sira loron dahuluk sira mai tau profil ne'e tuir hau nia hare'e semana tolu nia laran sira mai, maibé komunidade uza hela deit entaun kompania sira la mai atu tau Tan bee-moos ne’e to'o agora ita hare'e ba profil bo'ot tau tiha iha ne'e maibe ita la asesu ba bee-moos. “Agora ami ho labarik kikoan Tan ami atu ba kuru bee mos ami ho bero oan atu ba kuru iha Uma-Adat mós ami tenki selu duni bero ne’e, se karik ami ho bero ne’e depois tau hotu galon ho bee mos ne’e ami tenki selu hotu,” dehan nia

Tanba ita ho labarik kikoan ne'e tenki presiza duni bee-moos tanba atu hola Agua Galon iha ne’e $2.50 centavus, entaun inan-mana ho labarik sira tenki presiza bee-moos se bee-moos laiha komunidade kuru fali iha bee-matan ida sai iha ne’e maibé bee ne’e mer fali. “Tanba ne’e ami husi komunidade Maslidun husu ba governu prepara bee-moos mai ami no ami husu ba diretor jeral Agua no Saneamentu atu mai ense bee ba profil ne'e atu ami bele uza tanba ami atu asesu dalan ne’e mos dalan seidauk diak nafatin no ami tenki uza bero oan, maibé ami presiza selu tanba ne’e husu ba governu bele atende lalais,” dehan Maria. (BT)