DÍLI----Ministra Saúde (MS) Odete Maria Freitas Belo informa, Bainhira Ekipa saude halo teste swab ba pasiente sira iha Vera Cruz hatudu Negativu seí muda ba Hospital Nasionál Guido Valdares (HNGV).

“Los duni katak, Hospital HNGV prepara hela fátin, tanbá pasiente sira ne'ebé mak ita halo tratamentu iha Vera Cruz, óras ne'e dau-daun sira nia sintomas laiha, no sira nia teste ba PCR ne'e hatudu negativu ona, negativu ona maibé ita sikuela, hanesan paru-paru tanbá estraga hela seí dependensia ba Oxisijeniu ida ne'e ita bele muda ba Hospital Nasionál Guido Valdares, tanbá nia laiha Pozitivu maibé hatudu Pozitivu,” Dehan MS, Odete hafoin remata enkontru ho Xefí Governu ba Jornalista sira iha rezidensia Primeiru Ministru Taur Matan Ruak, Farol, Tersa (04/05).

Nia hatutan, Kona-bá muda pasiente Kovid-19 ba HNGV, kualker moras laiha diferensia, maibé nia dalan halo tratamentu diferensia, moras balun ne'ebé hada'et makás hanesan Covid-19 ne'e ita trata oin seluk. “Muda ba HNGV la fó impaktu, tanbá Virus hatudu negativu ona ne'e ita trata hanesan pasienti bai-bain,” Informa nia

Odete fundamenta, Doutor balun hetan pozitivu maibé mantein nafátin atende pasienti sira, maibé Ministra Saúde agradese tebés, tanbá ita hotu konsienti iha tempu ida ita presiza médiku sira, sira ladi'ak to'o iha ne'ebé mós mantein, ida ne'e mak sira-nia profisionalismu atu tau matan ba pasienti sira. MS Laiha informasaun kona-bá médiku sira pozitivu Kovid-19 atende nafátin pasienti sira laiha, maibé la'os sira pozitivu lae, tanbá sira besik liu nafátin pasienti Covid-19, maibé la siknifika sira hatudu pozitivu.

Nune’e, Primeiru kedas Governu hatene liu husi Primeiru Ministru hatene bainhira ita-nia rai monu iha situasaun ne'ebé mak ba iha senáriu ne'ebé mak at liu, ita seí la prontu atu hatan ba iha kondisaun ne'ebé mak ita hasoru. Tanbá ida ne'e mak, Governu no Estadu foti desizaun ida sempre halo Estensaun ba Estadu Emerjensia kada fulan no Serka Sanitária, haree liu ba iha asuntu prevensaun ne'ebé mak barratu liu.

Nia Afrirma katak, Ministériu Saúde husu populasaun hotu, kumpri nafátin desizaun Organizasaun Mundiál Saúde no Ministériu Saúde tenki fase liman bebeik, Uza Maskra no distansiamentu sosiál no fisiku. Bainhira ita to'o iha situasaun senáriu ne'ebé mak a’at liu, ita seí hetan problema bo’ot, tanbá agora dau-daun ita iha 45 ventilador, karik ventilate barak, tanbá kama ida ita presiza médiku na'in-4 no 5 hodi tau matan ba pasienti ida ne'ebé mak uza ventilate.

‘Ita imajina de'it, ita medika espesialista iha ne'ebé, hakarak no lakoi ita tenki hanesan iha Índia, tanbá ne'e mak ita tenki bolu mediku sira husi nasaun seluk hodi fó ajuda ba ita, maske ita nia ventilate barak to'o iha ne'ebé, maibé rekursu humanus laiha Ventilate labele moris mesak.

Ita iha médiku espesialista sira kuaze hamutuk 40 rein ne'ebé mak iha kapasidade, iha Timor-Leste, ne'ebé mak sira iha kapasidade oinsá atu uza ventilate, maibé ita seí sura, karik espesialista ida rua mak toma konta kama ida hanesan 25 kama hanesan ne'e ita sura halo nusa ba Covid-19 seida'uk sura ba moras sira seluk,” Esplika nia.

Nia informa, Tanbá ida ne'e mak Ministériu Saúde nia esperansa katak, mai ita hamutuk la'o tuir nafátin protokolu Saúde nian, Uza Maskra, Fase Liman bebeik no Distansiamentu Sosiál, nune'e ita labele monu ba iha situasaun ida ne'ebé mak at liu, prevensaun di'ak liu duke kurativu. (BT)