DÍLI----Governu liu husi Sekretariu Estadu Kooperativa (SEKoop) Elizario Ferreira, hatete katak, Governu apresia tebes, tanba komunidade komesa koñese kooperativa no estabelese kooperativa.

“Parte Governu apresia tebes tanba komunidade komesa koñese kooperativa no estabelese kooperativa tanba ne'e ami apresia ba ida ne'e,” hatete SEKoop Elizario Ferreira ba jornalista sira iha salaun sentru João Paulo II, Komoro-Dili, Sexta (30/04).

Nia hatutan, Estadu liliu SEKoop tuir nia papel oinsa mak atu asegura ninia sustentabilidade instituisional no estabilidade finanseiru ho estabelesementu ekonomiku katak kooperativa ne'e harii tiha depois labele mate fali ne'e tenki nafatin moris atu bele atende ninia membru sira ida ne'e mak sai hanesan papel importante para SEKoop nian atu asegura dezemvolvimentu kooperativa iha Timor -Leste nian.

Nia esplika, Emprinsipiu los rekoñese katak desde inisiu dekretu lei numeru 16/2004 artigu ida koalia Kona ba kontribuisaun fiskal kooperativa ninian ne'e tenki produs liu husi diploma propriu ida , ita agora diploma propriu ne'e sedauk mosu no parte SEKoop halo hela esforsu oinsa mak kordena ho ministeriu finansas oinsa mak atu integra kooperativa ne'e iha dezemvolvimentu konstrusaun estadu nian atu nune'e kooperativa mos iha papel konstrusaun ba estadu.

Nia informa, Kooperativa ne'ebé rejista tuir lei dehan katak kooperativa rejista iha ministeriu justisa agora dadaun rejista iha ministeriu justisa nomos rezista iha baze de dadus SEKoop nian hamutuk kooperativa kreditu ne'e 71 kooperativa no kooperativa produsaun ne'e 36 husi total 217 kooperativa ne'ebé mak eziste iha Timor-Leste ne'e.

"Normalmente ho prezensa ida ne'ebé mak ha'u iha fulan 10 nee ami konsege ona reativa hikas kooperativa 60 resin no husi sub distritu 65 eziste ona kooperativa 33 iha sub distritu 33 falta 32 no planu SEKoop nian nee Tina ida nee atu kompleta 65 sub distritu maibe ita sempre hetan bebeik entre relasaun husi konfinamentu, entaun ita haree para oinsa atu integra atividade sira nee ba oin,"dehan nia

Nia haktuir, Kooperativa sira ne'ebé mak sedauk lao ne'e parte SEKoop nia programa ida mak ema bolu dehan eduka, forma no informa programa ida ne'e halao bebeik edukasaun, formasaun no informasaun ba dirijente kooperativa sira atu dezemvolve kooperativa tuir prinsipiu no valores kooperativa nian atu asegura estabilidade instituisional, estabilidade finanseira nomos estabilidade ekonómia iha vida kooperativa hodi atende membru no sosiedade sira. (BT)