DÍLI----Ministru Koordenador Asuntus No Ekonomia (MKAE) Joaquim Amaral Hatete, Ohin Embaixador Xina Entrega ona projetu China Aid for Shared future, Armajen rua ida iha Manatuto Natabora nomos ida seluk iha Munisipiu Baukau ba Governu Timor-Leste tanba konstrusaun Armajen rua ne'e iha Tinan kotuk no Kompañia sira kumpri duni kalendario ohin entrega.

Hafoin entrega projetu Armajen Rua ne'e iha mos Asina akordu Entre Governu Ho Embaixador Xina “Ohin Embaixador Xina Entrega Armajen rua ne'ebé Governu Povu Xina Oferese Armajen Rua ida iha Baukau No ida seluk iha Natarbora,” Dehan Ministru Koordenador Asuntus Ekonomiku (MKAE) Joaquim Amaral, Ba Jornalista sira iha Salaun Trade Invest, Kolmera, Kinta (29/04)

Nia Hatutan, Kompañia hatete katak konstrusaun ne'e hotu ona no sira halo relatóriu no presiza kompleta Administrasaun, maibe kompañia mantein halo manuteinsaun tinan rua ba Armajen refere no armajen ne'e ajuda tebes, Bele rai hahan Produtu Lokal Ho Volume 500 mill Toneladas, inklui Makina Sira bele rai.

Nia dehan, CLN nia funsaun sosa produtu lokal sira husi Oeste-Leste, Produtu sira sosa rai iha armajen ne'e hodi bele ajuda Governu iha situasaun emerjensia tanba armajen rua ne 'e konstrui ho orsamentu millaun $24. “Ne'e apoiu husi Governu Xina, Governu Timor oferese rai, dada bee, liga elektrisidade, ba armajen ne'e ho modernu tanba nia instalasaun ho Kompletu,” Informa Nia.

Iha fatin seluk, Ministru Agrikultura No Peskas (MAP) Pedro DoS Reis hatutan, Hanesan governante agredese tebes ba apoiu husi governu Xina tanba bele apoiu konstrui insfraestrutura ka fasilita armajen bo’ot rua mai Timor-Leste atu oinsa bele uza ba armajen produtu ninian. “Agradase ba Governu Xina tanba fo ona Armajen ba Governu Timor-Leste hodi bele fasilita ona ita hodi rai ita nia Produtu sira iha rai laran husi Leste no Oeste,” Salienta nia.

Nia informa, Armajen ne'e diak tebes tanba natar bele tinan ida halo dala rua maibe ita problema mak bee, Maibe sei komfirma ho Ministru Relevante hodi bele Analiza, tanba natar iha Timor laran tomak hamutuk hektar rihun-23. (BT)