DÍLI----Prezidenti BNCTL Antonio Vitor Informa, Ohin lansa depozitu matenek, tanba bazeia ba Estadu Emerjensia no lockdown laiha movimentasaun husi Dili ba munisipiu, estudante barak hela iha Díli laran hetan difikukldades oin-oin hanesan inan-aman sira atu haruka osan mai prosesu kleur los entaun liuhusi depozitu matenek hodi utliza ba nesesidades akademika no nesesidade sira seluk nomos bele uza atu simu transferensia osan husi familia ba nesesidade lor-loron nian.

“Ohin ita halo lansamentu depozitu matenek tanba hanesan ita hotu hatene ho estadu emerjensia ne’e ita-nia estudante barak mak iha hela Díli laran la konsege sai, dalaruma iha difikuldade inan-aman sira haruka osan normalmente iha foho ne’e balun fo tuir iha kareta (bus) maibé kareta sira labele tama entaun prezudika sira labele hetan, tanba ne’e depozitu matenek ida ne’ebé oferese ba estudante iha nivel eskola sekundaria no ensinu superior,” Hatete Prezidente BNCTL ba jornalista sira iha edifisiu foun BNCTL, Kulu-Hun Bobolait Díli, Kuarta (14/04).

Nia hatutan tan, Depozitu Matenek husi BNCTL iha okaziaun ne’e sei introduz mós Depozitu Matenek ne’e hanesan depozitu ida ne’ebé dezeña no oferese ba estudante sira iha nivel eskola sekundaria no ensinu superior hodi rai osan ba nesesidade akademika ka utiliza ba nesesidade seluk no transferensia husi familia ba nesesidade loro-loron nian.

“Fasilidade ida ne’e BNCTL haree ita la fo osan maibé ita fo fasilidade ida, ita loke sira nia konta ho rekezitus ne’ebé simplifikadu la hanesan ema kliente bai-bain no sira bele transfere ba nia inan-aman sira, ezemplu iha Lospalos la presiza titip tuir bus ona numeru konta ne’e sira fo ba sira, ba iha banku tau iha ne’eba nia bele foti iha ne’e ho kustu ne’ebé transferensia ne’e la iha kustu ba estudante sira,” Esplika nia.

Nia dehan, Objetivu husi depozitu matenek ne’e mak promove konesementu ba importansia husi utilizasaun servisu bankaria.fasilita asesu finanseiru ne’ebé fasil no lais liu ba nesesidade akademiku, promove kultura gosta poupa no hatoman atu halo jestaun finanseira diak, no eduka estudante nivel sekundariu no superior aira atu hantene dezenvolve propriu rikusoin liu husi meus poupansa.

Nia relata tan, Maibé liliu atu fasilita sira durante tempu emerjensia nune’e atu eduka mos sira komesa agora pelumenus sira iha kartaun banku nian, sira iha konta hanesan ne’e kada vez sira ba foti osan hakarak haree buat ruma atu hola entaun sira hola ona no sira ba hola supermi falun haat ka hira iha loja sira ne’ebé hakerek POS (Point Of Service) sira bele fo deit kartaun ne’e sira bele selu ezemplu $1.23 centavos ne’e difisil teb-tebes.

Maibé ita halo tranzasaun ho ATM ita ba ita kose deit iha ne’eba halo tranzasaun iha POS agora sei gratis hela entaun ida ne’e bele fasilita liliu ita-nia estudante sira ne’ebé ninia konta saldu balansu ladun bo'ot ba sira bele halo, duke sira presiza deit $1 dolar maibé sira tenki dada osan $10 dolar tau iha bolsu dala barak ne’e iha tentasaun barak bele gasta ba buat ne’ebé laiha planu.

Nia informa, termus no kondisoens ba depozitu ne’e simplifikadu liu ho juru no taxa de juru no manutensaun konta diak liu kompara ho tipu depozitu seluk, rekezitu abertura konta mak hanesan: foto kopia kartaun elitoral, IB ou pasaporte, hatudu kartaun estudante ou kaderneta estudante, no fotografia koliridu 3x4 tahan-1 ka bele mos hasai direita iha banku.

Iha fatin hanesan esudante husi Universidade Nasionál Timor Lorosa’e (UNTL) husi Fakuldade Engenaria Eletronika Eletrika Marina Varela, hatutan tan tuir nia hanoin benefisiariu tebes hodi ajuda estudante sira ne’ebé mak balun nia inan-aman iha foho hodi haruka osan. “Tuir ha’u nia hanoin ne’e benefisiu tebes atu ajuda estudante sira ne’ebé mak balun nia inan-aman iha foho atu haruka osan karik la presiza haruka tuir bus no ema seluk tanba ne’e bele transfere osan mai iha depozitu matenek ne’e,” Hatutan Marina

Nune’e kada fulan atu hatama osan hira ne’e depende deit atu hatama $1 dolar ka $2 depende deit. “Ha’u simu rekening ida ne’e senti kontente tanba sai ona kliente BNCTL nian no ha’u senti orgullu maibé ba futuru sei sai nafatin kliente ba BNCTL nian,” Informa nia. (BT)