DÍLI----Ministru Petroleum no Minarais (MPM) Víctor da Conceição Soares Informa dadaun MPM submete ona dokumentu ba Ministru Koordenadór Asuntu Ekonómiku (MKAE) kona-bá empreza Green Energy, ne'ebé mak planu enerjia renovável.

"Agora ema ne'ebé mak iha estrutura ne'e lahatene ba situasaun sira hanesan ne'e, prontu MPM fó ajuda haruka ona ninia dokumentu sira ne'e ba MKAE, tanbá investimentu nian,” Dehan Ministru Petroleum no Minarais (MPM) Víctor da Conceição Soares, hafoin partisipa lansamentu AstraZeneca ba Jornalista sira iha Sentra Saúde Formoza, Kuarta (07/04).

Governante Ne’e haktuir, Labele depende nafátin Mina Rai, dau-daun ne'e iha mundu tomák komesa iha ona polítika ne'ebé mak mudansa, redus dependensia petroleum. "Ita labele tabele nafátin Mina Rai tanbá Mina Rai ita hotu hatene katak, iha mundu tomák ema komesa muda polítika, atu redus emisaun Gás efeitu estufa, hodi redus dependensia petroleum,” Dehan nia

Tuir nia, Politika estadu nian, tanbá ita ratifika ona ba polítika global kona-bá Green House Gás efect ne'ebé mak ita ratifika ona iha tinan 2006, maibé tesik mai ita kompromete de'it Planu Dezenvolvimentu Nasionál (PDN), ne'ebé mak ita uluk defini katak, tinan 2015 tama ona faze enerjia renovaveis, maibé ita lakonsege halo.

Nia relata, 2020 porsentu 50 (50%) husi utilizasaun enerjia tenki mai husi ona renovaveis, ne'e mós lakonsege, agora tinan 2021, durante dokumentu sira ne'e halo hanesan sura tahan. Ho ida ne'e, Governu iha obrigasaun tenki fó atensaun ba situasaun, tanbá MPM hanesan hola parte iha Governu, hodi ajuda dudu investimentu bele akontese.

“MPM koordena ona ho MKAE hodi simu Sr. Amith Daniel husi Judeu Israel Amérika no Portugés, ne'ebé mak durante ne'e moris iha Portugal, ne'ebé mak di'ak tebés, dau-daun ne'e iha Timor nune'e bele kontinua hodi kontaktu, bainhira fila-fali bele lori ona dokumentu foun atualiza hodi bele oinsa investimentu bele avansa,” Tenik Nia.

Nia Salienta liutan, Sr. Amith Daniel husi Judeu Israel Amérika no Portugés hala'o ona investimentu kleur ona desde tinan 2016, ne'ebé mak ho governu halo investimentu estudu iha Betano no sira investe osan hodi halo estudu, ne'ebé mak sira halo ona akizasaun rai kuaze 200 hektares, estadu atribui hotu ona.

Nia Relatan tan, Soke iha tinan 2016 to'o 2018, sira hasoru krize nafatin, to'o tinan 2021 projeitu ne'e nunka la'o no hala'o videokonferensia korespondensia de'it. Ho situasaun ida ne'e, imi para haree hodi atualiza, tanbá Governu mós muda no instituisaun sira durante halo kooperasaun uluk no halo ho diresaun jerál Eletrisidade de Timor-Leste.

Governante afirma tan, Tanbá saída mak liu fali husi MPM maibé MPM durante ne'e laiha involvimentu direta, maibé tanbá projeitu tasi mane, momentu ne'e hanesan Timor Gap mak fó apoiu ruma ne'ebé mak orienta no akompañia sira. “Tanbá ida ne'e mak, liu husi Timor Gap mak mai iha ne'e, agora sira lahatene halo oinsá, se mak atu fó apoiu hodi sira nia projeitu ne'e la'o ba oin tanba hanesan MPM fó apoiu de'it, hatudu dalan hodi ajuda hodi orienta fali uluk,” Preokupa nia.

Nia Relatan katak Hatudu dalan diresaun jerál EDTL ne'e eliminadu laiha ona, agora iha mak autoridade nasionál eletrisidade no empreza públika. Nune’e, Empreza Públika no Eletrisidade De Timor-Leste, estrutura foun ona agora sira mai hodi buka no atualiza fali dokumentu uluk halo, hodi reativa fila-fali komunikasaun sira ne'e. (BT)