DÍLI----Governu Estadus Unidus Amerika (EUA) liu husi Embaixadór Amerika iha Timor-Leste fó apoiu Urjensia $100 Mill ba Dezatre Naturais ne’ebé mak povu hasoru Timor Leste.

Tuir Embaixadór Estadus Unidus Amerika ba Timor-Leste Kevin Blackstone informa Relasiona ho akontesimentu ne’ebe Timor Leste Infrenta iha loron liuba ne’ebe akontesimentu iha loron 4 abril (hahú husi sabadu kala too domingu dadersan) ne’ebe mak akontese udan ho variedade boot hamosu inundasaun bee sa’e ba populasaun ka komunidade sira iha territoriu laran tomak liliu iha kapital Dili, ema barak afeita no lakon vida, Governu Estadus Unidus Amerika (EUA) liu husi Embaixadór Amerika iha Timor-Leste hare ona situasaun ida ne’e hodi fo apoiu urjensia alende sei apoiu mos millaun $93 liu Husi USAID mak sei entrega ba Protesaun Sivil hodi apoiu Program ne’ebé mak iha Tinan 5 nia laran.

“Orsamentu ne’ebé ha’u fó apoiu ba Dezastre naturais ne’e liu husi USAID sei lafó direta maibe sei liu husi Sekretariu Estadu Protesaun sivil (SEPS) mak sei Fó responde ba ba dezastre sira ne’ebé mak akontese,” Hatete Embaixadór Estadus Unidus Amerika ba Timor-Leste Kevin Blackstone ba Jornalista sira hafoin hasoru malu ho PPN, Kuarta (07/04).

Nia haktuir katak, Embaixadór ka’olia ho PPN konaba apoiu ne’ebé mak Governu Estadus Unidus Ho Timor-Leste iha Projetu multu annual fornese husi USAID atu fortalese servisu lubuk ida ne’ebé mak halo ambitu servisu parlamentar iha Timor-Leste. “Ha’u partilla ho Presidente Parlamentu Nasional Aniceto Longuinho Guteres Lopes katak Governu Estadus Unidus Anunsia ona Apoiu ba tinan lima nian programa ne’ebé mak iha sei fó ba Timor-Leste, Diretór USAID iha Timor-Leste nia sei ko’alia ho ministeriu relevante sira atu identifika tipu apoiu ne’ebé mak sei fó ba Timor-Leste, ho montante ba Annual nian mak millaun $93,” Esplika nia.

Aliende ida ne’e Embaixadór Estadus Unidus Amerika ho Presidente Parlamentu Nasionál (PPN) iha sira nia hasoru malu ne’e foka liu ba situasaun ne’ebé mak dadaun ne’e akontese, Ekonómia COVID-19, Inundasaun, inklui mós konaba Demokrasia Fortalesimentu de Timor-Leste, komparan ho nasaun sira seluk maibé embaixadór kompara katak Timor-Leste Tane aas Demokrasia la hanesan ho nasuan sira seluk.

Iha fatin hanesan, Presidente Parlamentu Nasionál (PPN) Aniceto Longuinhos Guteres haktuir tan katak, hasoru malu ne’e foka liu dezafiu ne’ebé mak Timor-Leste hasoru inklui Dezenvolvimentu Demokrasia. “Ko’alia konaba dezafiu ne’ebé mak Timor-Leste hanesan nasaun foun hasoru liu-liu dezenvolvimentu demokrasai iha Timor-Leste, inklui oprtunidade kooperasaun direita entre Misaun Estadus Unidus Amerika ho PN, tempu sira tuir mai sei diskusaun Direita apoiu no kooperasaun entre Parlamentu ho Misaun estadus Unidus nian,” Dehan Aniceto.

Aliende ida ne’e mós Estadus Unidus Amerika sei fó apoiu emerjensia ba Dezastre naturais ne’ebé Mak dadaun ne’e Timor Leste hasoru iha loron hirak liu ona, hodi oinsa bele atende ba afeitadus sira. “Estadus Unidus Amerika sei fó apoiu emerjensia ba Dezastre naturais ne’ebé Mak dadaun ne’e ita hasoru, ho montante orsamentu mill $ 100 sei liu husi Governu no USAID, ONG Asia Fundation sira, ba sei fó apoiu tan ne’e kooperasaun relasaun bilateral. (BT)