DÍLI----Governu Timor-Leste liuhusi Primeiru Ministru Taur Matan Ruak, Prezidente Parlamentu Nasionál, Aniceto Guterres, Prezidente Tribunal Rekursu, Deolindo dos Santos, Vise Primieru-Ministru, Jose Reis, Laureadu Nobel ba Paz, Dr. Jose Ramos Horta inklui membru Governu sira, inklui Arsebispu Arquidioseze Dili, Dom Virgílio do Carmo da Silva, Embaixadór sira ne’ebé akreditadu iha Dili, reprezentante OMS, UNICEF no konvidadu sira seluk, hahú hala'o lansamentu ba Kovid-19, ne'ebé mak hodi evita moras Kovid-19 ne'ebé espalla iha Mundu Tomák inklui Timor-Leste.

Alende ho vasinasaun AstraZeneca, Xefe Governu Taur Matan Ruak oferese an sai ema primu simu vasina, atu hatudu ba povu Timor-Leste katak vasina AstraZeneca ne’e seguru. “Ha'u oferese an ba primeiru pessoa atu simu vasina no segundu Prezidenti Parlamentu Nasionál no husu Prezidenti Repúblika karik médiku sira autoriza Prezidenti Repúblika atu simu vasina karik tenki simu ikus liu hodi taka,” Informa nia.

Tuir Ministra Saúde (MS) Odete Maria Freitas Belo esplika, Vasinasaun hanesan asaun ikus ba hodi prevene ba kontajiu Kovid-19 iha Timor-Leste. “Vasina hanesan asaun ikus liu nian ba prevensaun Kovid-19, tanbá Primeiru Ministru sempre kualia katak ita tenki uza maskra no fase liman bebeik, labele halo grupu barak no tenki distansiamentu sosiál no fisiku," Dehan Ministra Saúde Odete Freitas Belo iha âmbitu lansamentu Vasina iha Sentru Saude Formosa, Kuarta (07/04).

Nia hatutan, Aktividade ida ohin serimonia ne'ebé mak boot no importante tebés ikus liu ona atu bele kombate hasoru Kovid-19, karik balun lakonsege halo, presiza konsiensia hodi partisipa iha aktividade imunizasaun no vasinasaun ba Kovid-19 ba tinan ida ne'e. Governante ne'e haktuir, serimomia ida ne'e importante hodi kontiziosa ba Kovid-19, hodi evita povu no nasaun nune'e bele livre husi moras Kovid-19. “Ita hotu hamutuk iha fátin ida ne'e, hodi asiste serimonia importante lansamentu vasinasaun ba moras infeksiozu no kontisiozu Kovid-19 nian,” Dehan nia

Tuir nia, durante ne'e Ministériu Saúde la servisu mesak, ne'ebé mak liu husi lideransa ne'ebé mak forti, husi Primeiru Ministru Taur Matan Ruak ne'ebé mak lidera. Odete esplika, Vasina ida ne'e la'os kompletu, maibé vasina ida ne'e 4.5 husi 20% ne'ebé mak hetan doasaun husi covax fasility, katak, organizasaun ida ne'ebé mak tau orsamentu no rekursu hamutuk atu bele hare ba ita nasaun ki'ik sira.

“Ita simu dau-dauk ona ba kuantidade ne'ebé mak ki'ik, maibé Ministériu Saúde nafátin hamutuk ho Ministériu relevante sira hotu, liu husi lideransa Vise-Primeiru Ministru, durante preparasaun hahú husi fahe informasaun treinamentu no prepara asuntu sira seluk, fó informasaun ba komunidade,” Salienta nia.

Nia Salienta Liutan, Governu lori vasina mai to'o iha ita-nia rain, ita gasta kuaze Milioens $1.5 ida ne'e orsamentu husi Ministériu Saúde sura ho rekursu humanus ne'ebé mak ita iha, nune'e mós orsamentu ne'ebé mak ita hetan apoiu husi ita-nia ajensia hanesan OMS, UNICEF, DIFAT no organizasaun sira seluk ne'ebé mak kontribui. Nia Informa, preparasaun lubuk ida ne'ebé mak ita halo bainhira ita hetan vasina ita seí hetan kartaun, tanbá ita seí hetan tan fali segunda doze.

Entretantu, Presidente Parlamentu Nasionál (PPN) Aniceto Longuinhos Guterres haktuir, ema balun la fiar katak Covid ne’e iha maibé atu rezolve Covid ne’e primeiru mak ema hotu nia komportamentu no hahu Vaxina. “Ita tenke fiar katak no ita la fiar Covid ne’e iha Atu kontrola Covid ne’e ida maka ita ema ida-idak nia konportamentu ida seluk mak vasinasaun, hoo buta rua ne’e maka ita bele kontrola Covid, la halakon totál pelumenus ita kontrola ona,” Dehan Aniceto.

Aniceto informa, Durante Governu proteje saúde Publika hola medidas serka sanitaria ho medidas sira seluk ne’e atu obriga Populasaun hot-hotu konporta-an atu halo prevensaun ba Covid. Agora Komportamentu ne’e ita lao hela Programa Vaxinasaun, ne’e impotante atu laos atu livre liu maibé aumenta ita nia Imunidade atu Covid-19 labele hataka ita tanba Vaxinasaun ne’e klaru la perfeitu hanesan 100% ne’e lae maibé mundu tomak dadaun ne’e uza ida ne’e hodi vasina ho marka oin-oin klaru maibé timor hili marka ida ne’ebé mak tuir rekomendasaun OMS nian AstraZaneka.

“Ha’u konvida ema hotu atu Partisipa no kolabora ho program Governu nian ida ne’e, atu Timoroan no estadu it abele kontrola COVID-19 ne’, konvate totál ne’e lae maibé bele kontrola ona nia propagasuan ho nia alastramentu ne’e labele barak liu,” Tenik Nia. Nia dehan Tan, Lalika tauk konvida ema hotu atu partisipa iha programa ida ne’e, lalika rona HOAX no propaganda iha kanpanha barak atu impede programa ne’e tanba saúde ne’e iha ita nia liman rasik, prinsispiu membru Orgauns soberania sira hotu tuir hotu.

Depois simu tiha Vaxinasaun COVAX haktuir, “Di’ak hela tanba ha’u sei kiik mós simu tiha ona vaxinasaun, no ha’u la sente buat ida, nia prosesu ne’e mós hanesan ita simu ai-moru sira seluk no di’ak,” katak nia. Aniceto informa, Menbru Governu laos Obrigatoriu atu simu vaxinasaun maibé ne’e regras no lei, tenke simu hotu Vaxinasaun liu-liu Deputadu sira Menbru Governu inklui Amo no lina frinte, no komunidade sira hotu. (BT)