DÍLI----Governu liu husi Ministru Obras Públika (MOP) Salvadór Eugénio dos Reis Pires, orienta ona Institutu Gestaun Ekipamentus (IGE-Sigla Portugés) hodi oinsa halo normaliza fatin afeitadu ba inundasaun hanesan estrada nomos hasai sendimentasaun iha baleta no Ponte sira.

“Ministeriu Obras Publika (MOP) fó ona orientasaun ba IGE no Obras Públika hodi kontinua halo levantamentu dadús, kontinua mós halo normaliza hasai sendimentasaun sira,” Hateten Ministru Obras Públika (MOP) Salvadór Eugénio dos Reis Pires ba Jornalista sira iha Palásiu Governu, Segunda (05/04).

Alende ne'e, Governu liu husi Sekretáriu Estadu Protesaun Sivil (SEPS) liuhusi ekipa Bombeirus sira mos kontinua fornese Bee Mos ba komunidade sira, ne'ebé mak dau-daun ne'e akumula iha fátin ida ne’ebe governu deside evakua komunidade sira hela ba.

“Ekipa Bombeirus sira mós kontinua fornese Beemos ba komunidade sira liu-liu ba fátin konsentrasaun ba vítima inundasaun nune'e sira bele asesu Be mos,” Dehan Ministru.

Nia dehan tan, Kona-bá protesaun urjenti saída mak MOP seí hala'o, agora ita kontinua hala'o normalizasaun, hasai ai sira ne'ebé mak belit iha ponte no hasai tahu dodok no hasai sendimentasaun. Salvadór reforsa, klaru situasaun grave ne'ebé mak iha hanesan Estrada prinsipál no urbana nian iha praia dos kokeirus kotu, Ponte Loes, Ponte Nunira Ponde Bidau no iha Bekora moru detensaun ne'ebé mak monu.

Nia Salienta tan, Fó tempu ba komisaun interministeriais hodi kuantifika mós dezeñu no tékniku nune'e ita bele halo intervensaun mitigasaun ba situasaun agora dau-daun ita-nia Komunidade sira hosoru ne'e. “Ita hotu hatene katak la'os de'it iha ita-nia Institutu Gestaun Ekipamentus (IGE) maibé mós iha empreza iha setór privadu balun, ne'ebé mak Obra Públika mobiliza desde horseik to'o ohin loron hodi halo normalizasaun. Entretantu kontinua fó atendimentu hodi hadia airin eletrisidade sira ne'ebé mak hetan estragus husi inundasaun, ita hotu hare foin dau-daun airin lubuk ida mak hetan estragus iha liña hotu-hotu kuaze hetan afeitadu,” Tenik nia.

Nia Informa, Tore olio pezadu sira iha Munisípiu sira balun hetan ameasadu, tanbá erozaun no mota bot, nune'e MOP sei servisu hamutuk ho Ministériu relevante hodi kontinua fó informasaun ba ita, nune'e ita bele rekolla dadús sira, hodi bele relata ba desizaun ruma ba mitigasaun ne'ebé halo preparasaun. “Kuaze airin hotu monu tanbá ne'e mak ita atende tuir ita-nia rekursu ne'ebé mak iha, dau-daun ne'e ita mobiliza hotu ona, Eletrisidade De Timor-Leste ho ekipa tomák esforsu, infelismente balun kontinua atendimentu,” Hakotu nia. (BT)