DÍLI----Representante povu iha uma Fukun Parlamentu Nasional (PN) aprova votus pezar ba vitima sira ne'ebe lakon vida iha dezastre natural, ne’ebe mak akontese udan ho variedade boot hahú iha loron sabadu kalan too iha domingo (04/04) dader hamosu inundasaun bee sa’e ba populasaun ka komunidade iha territoriu laran tomak liliu iha kapital Dili.

Aprovasaun votus pezar ba vitima sira ne'ebe lakon vida iha dezastre natural ho rezultadu votasaun afavor 45, abstensaun 0 no kontra 0. Tuir Presidente Parlamentu Nasional (PPN) Aniceto Longuinhos Guterres Lopes, Anunsia liu husi Plenaria hatete ohin ita halo ona votu pezar ba vitima Cheias hamutuk na’in-27. “Votu pezar ba vitima cheias ho numeru 6/V/3 Passa,” Hatete presidente parlamentu nasional Aniceto Longuinhos Guterres Lopes anunsia liu husi plenaria iha PN Dili, segunda (06/04).

Nia hatutan, Parlamentu Nasional aprova votu Pesar ne’e ba ema na'in-27 ne’ebe lakon vida iha teritoriu nasional tanba dezastre natural. Nunee mos deputadu bankada Frente Revolusionariu Timor-Leste Indepedente FRETILIN Joaquim do Santos 'Boraluli' mos hatutan, Votu pezar hanesan efeitu husi desizoens tinan sanulu resin ba kotuk tina-tinan aprova osan iha parlamentu ba manutensaun rutina controlo cheia.

“Hau atu dehan deit hanesan ne'e votu de pezar ida ne'e mai hanesan efeitu husi ita-nia desizoen politika tinan sanulu resin ba kotuk tina-tinan ita aprova osan iha parlamentu ida ne'e ba manutensaun rutina controlo de cheia mais de pena too ohin loron osan sira ne’e la hatene katak halo saida,” hatutan Joaquim

Deputadu haktuir, Nunka halo controlo de cheia desde primeiru governu mai too iha setimu too oitavu governu mak konsentra iha kanalizasaun bee sira husi foho ne’e ba nia fatin labele husik bee mai tama iha sidade Dili halo rekondilasaun iha imajen Dili nian ohin loron ita la sofre ida ne'e.

“Ha'u husu ba governu orsamentu mai konsentra ida ne’e ema ne'ebe atu hetan responsabilidade ba gasta osan ne'e tenki seletivu sofrementu ida ne'e mai husi ita-nia ezekutivu sira ninia desizaun ne'ebe lalos, fo osan nara-naran deit ba ema, gasta arbiru deit agora ita halo votu de pezar ba povu ita moe,” Dehan nia

Nia Informa, Husu dala ida tan ba Ministru atu apresenta ba iha Ministeriu kompetente pelu menus iha fulan ne’en nia laran hodi konsentra iha obra ida ne’e, inudasaun iha dili laos foin primeira vez tinan-tinan ita hatene katak iha inudasaun ita aprova osan maibe la uza osan ne'e lolos relatoriu mai gasta hotu ona realidade la justifika ne'e mak ohin loron ita atu votu de pezar ba povu ne'e.

“Ha'u husu para tinan oin mai ita labele halo tan votu de pezar, ha'u husu ba governu responsabiliza orsamentu ne'ebe parlamentu aprova Povu nia osan,” Nia Salienta. Entretantu, Deputadu Bankada Congresso Nacional de Reconstrucao de Timorense (CNRT), Gabriel Soares haktuir katak iha area Manatuto nian ema na'in-11 mak lakon vida iha inundasaun ne'e.

“Iha munisipiu Manatuto ema na’in-11 mak lakon vida, hetan ona ida maibé 10 dezaparesida seidauk hetan no agora daudaun Manatuto-oan sira buka-tuir hela iha mota, ne'e kauza husi kalamidade ka inundasaun ne'ebé liu ona. Tanba ne’e, husu VIII Governu Konstitusionél uza Orsamentu Jerél Estadu (OJE) 2021, labele fo sala bamalu,” Informa Nia. (BT)