DILI—Komisaun Funsaun Publiku (KFP) halao inkontru ba dala haat ho tema “Etíka Profesionalizmu” atu koalia kona-bá etíka profesionalizmu iha ida-idak nia fatin no mos oinsa atu kontrola nafatin funsionariu tomak liu-liu ba sira ne’ebé ho kargu dirijente, tanba KFP maka sai makína du estdau. Dezenvolvimentu iha Timor Leste eziji administrasaun públika ida tenki metin ninia profesional tanba ne’e ha’u husu ba funsionariu públiku tomak atu serbisu diak liu tan bá nasaun ida ne’e,” dehan Prezidenti KFP Libório Perreira ba membru funsionariu tomak, liu-liu ba sira ne’ebe kaer kargu nudar xefe ka dirijente, Sesta (16/12), iha Sentru Konvensaun Dili.

Tuir nia, sira foti tema “Etíka Profesionalizmu” tanba atu fo reflesaun ba funsionariu ida-idak, atu nune’e bele halao nia serbisu ho badaen no matenek, tanba kuandu etika la iha funsaun públiku nian mos la atinji. 

Tanba ne’e, nia hatutan, KFP fo atensaun nafatin ba funsionariu públiku sira hotu atu halao serbisu privadu hodi utiliza sasan estadu nian iha oras serbisu, ne’ebé liga mos bá eleisaun 2012 ninian  atu nune’e funsionariu sira labele involve-an iha kampañia do politiku ninian.

Komisaun atu fo hanoin nafatin katak ita nia estatuta Komisaun Funsaun Publika lei nomeru oitu (8) ne’ebe altera liu husi lei No. 5 koalia kona-bá kodigu étika funasaun publika iha ne’ebá koalia momos katak prinsipius no valorez KFP ninian, funsionariu sira sen asosiasaun iha grau asisten tékniku to’o superior husi dirigentu sira tenki tau matan nafatin atu nune’e labele sai liu limitu atuasaun funsionariu publiku nian,” nia dehan.

Entretantu, iha sorumutu ida ne’e Reitor Universidade Nasional Timor Leste, Aurélio Guterres fahe esperiensia kona-bá etika profesionalizmu funsionariu publiku katak KFP tenki sai hanesan imajen ne’ebé tenki garantia estadu, maka hanesan kualidadee serbisu, asegura ven estar populasaun nian, respeitu no votasaun ba diretus umanus no valorizasaun professional kada funsionariu sira nia pratíka etíka nian no sosial reseita ambiente no kualidade vida sosiedade nian.

Tanba ne’e, nia hateten, etíka no profesionalizmu sai hanesan elementus  importante no indisu xave iha KFP tomak, ne’ebe indetifika katak kriasaun ema ida-idak nian ne’ebé maka halo buat ruma integra hamutuk.

Nia husu ba funsoinariu sira hotu tenki iha kompetensia despresia no efikasia atu bele dezempeña didiak sira nia profisaun atu halo buat ruma refere ba kodigu luta funsonariu nian, enkuantu professional ho atetude sira ne’ebe maka funsionariu  publika simu  no iha sira nia ezekusaun sira nia profisaun sira nia profesionalizu ida ke efikasia.

Etika profesionalizmu iha KFP, nia dehan, tuir inkriasaun tuir konjunta de prinsipiu, normalmente kodigu etika profesionalizmu KFP nian ne’ebé konstitui referensia parmanente, tanba ne’e KFP tenki halao tuir ninia serbisu ne’ebe propoin hanesan seriedade, kreabilidade, responsabilidade, no exelensia. 

Hanesan reitor Universidade Nasional Timor Lorosae, hau hakarak afirma katak etika bazea ba prinsipiu rezeitu no igualidade bazeia ba oinsa ita marka ita nia hanesan matenek nain ne’ebe realidade,  ne’ebe atual, profesionalizmu no bazeia  ba ninia formasaun, auto formasaun no aprosesamentu professional no aumenta tan koñesementu liu husi graduada ba graduada,” nia dehan.

Nia apela ba funsionariu publika sira hotu liu-liu ba zefe no dirijente sira ne’ebe tuir sorumutu ida ne’e, wainhira halao ninia funsaun tuir lisensamentu hanesan buat ida ne’ebe no nia valor aas tebes ba kualidade estadu nian, liu-liu ba sira ne’ebe kaer kargu hanesan jestor no xefi.
Entretantu, Diretur Geral Ministeriu Agrikultura no Peskas, Lorenco Fontes katak, iha sira nia fatin aplika ona sistema etika no profesionalismu, ne’ebe sira aplika, hanesan tama no sai serbisu tenki ho oras no hare mos husi parte seluk ne’ebe MAP aplika.

Tuir nia katak oinsa atu kontrola serbisu funsionariu iha sira niafatin hahu husi nasional too distritu sira hotu. Sra  ne’ebe maka atu kontrola maka hanesan ministru, sekretariadu du estadu, diretur geral, diretur nasional no mos xefi departementu, ne’ebe atu kontrola.

Ohin, hau hakarak hato’o saida maka ami dsezafia, oinsa atu akumula mentalidade funsionariu publiku iha Ministeriu Agrikultura no Peskas, oinsa atu serbisu ho desiplina no honestidade tuir lei estatutu funsaun publiku 2004 artigu 40 no 41, ne’ebé koalia kona-bá funsionariu publiku no koaia kona-bá preve instuisial funsionariu publiku nian,” nia dehan. 

Alende ne’e, nia akresenta liu tan katak problema ne’ebe sira hasoru hanesan iha diretur balun kestiona hodi nune’e atu forma sira nia funsionariu ida-idak kona-bá etika. Maibé, tuir nia katak etika ne’e pakote ida ne’ebe la inklui ema nain ida, maibe pakote ida ne’ebe maka inklui ema barak, hodi aprezenta katak nia etika diak.

Tanba ne’e, nia hatete, ho etika diak maka ninia serbisu profesionalizmu ne’e diak. Maibé sira husu mos ba KFP oinsa atu hare mos sira nia salariu ho minimu kada ema ida $500 atu nune’e funsionariu ida-idak bele halao ninia serbisu diak liu tan.

Iha fatin hanesan, reprezentante Ministeriu Turismu Comerciu no Industria, Diretur Nasional Administrasaun e Financas, Antonio de Araujo hatete katak sira iha MTCI hetan kritikas barak husi komunidade sira, tanba deit la iha koordenasaun diak entre sira ne’ebe maka impelentador ho sira maka fo hanorin, liu-liu kona-bá inspesaun alimentar ekonomika.

Ami simu duni kritikas bar-barak ho kapasidade ne’ebe maka ita hahu hadia neineik no too iha 2012, graca de deus ami bele redus ba kritika sira ne’e. Iha setor privadu mos serbisu maka’as atu hatama tan nesesidade baziku liu-liu ba dependenti ita nia maka  fos  garantia mos katak hahan iha tinan ida ne’e bele sufsiente duni,” nia dehan. (R-2)