DILI—Ministeriu Agrikultura no Peskas halao inkontru hamutuk ho agensia implemantador  sira ne’ebe maka durante ne’e fo apoiu nafatin ba dezenvolvementu  MAP, ho objetivu oinsa atu hasae produsaun aihan iha rai laran, ne’ebe halao iha salaun MAP Comoro, Segunda (19/12). Sekretariadu Estadu Agrikultura e Arborriculktura Marcos da Cruz katak,orsamentu ne’ebe sira uza, ba deznvolvementu ba area agrikultura iha Timor Leste, hetan mos donor husi Agencia implementador (NGO internasional) no mos nasional.

Inkontru ida ne’e hamutuk ho donor implementador sira hanesan Alemanha, Spanha, no seluk-seluk tan. Tanba ne’e, inkontru ne’e ho objetivu atu hare oinsa maka atu bele iha koopersaun diak hodi nune’e wainhira halao programa sira ne’e bele lao ho diak no  bele hetan rezultadu diak. Ohin iha mos aprezenta tan formatu hodi halo relatoriu para sira mos bele hatoo relatoriuo mai iha Ministeriu  Agrikultra para ita bele kontrola no hatene tuir,” nia dehan.

Nia dehan, MAP hetan aprovasaun osan $16 millaun, ne’ebe ho osan hirak ne’e sei la kobre ba programa ne’ebe sira iha, tanba iha submisaun orsamentu husi Ministeriu Agrikultra ba iha programa 2012 nian sira iha $90 millaun.

Ami iha kuaze $90 millaun tanba iha prioridade iha setor seluk hanesan iha setor infraestrutura, eletrisidade, bee mos, tanba ne’e maka orsamentu barak aloka ba setor sira ne’e no   orsamentu mai iha Ministeriu Agrikultra ne’e iha $16 millaun. Nne’ebe ita kolia para donor nia osan sira para atu kobre fali ba iha programa sira ne’ebe ke la hetan orsamentu du estadu,” nia dehan.

Tuir nia, MAP iha tinan 2012 programa ne’ebe sira tau prioridade maka oinsa atu hasae nafatin produsaun agrikola. Maibe maske iha setor barak, agrikultura, floresta hortikultura mais fokus nafatin liu-liu ba nesesidade baziku povu ninian, maka hanesan produsaun alimentar (aihan) ne’e maka importante. Orsamentu ne’ebe aloka husi Parlamentu Nasional mos sei fokus barak liu iha ne’eba hanesan orsamentu hodi sosa fini adubus no seluk tan.

Entretantu, parseriu sira ne’ebe maka durante ne’e fo apoiu nafatin ba MAP maka hanesan UNDP, WFP, FAO, UNOPS, JICA, USAID, AusAID, PDRTL/Missão portuguesa, Comisaun Europeia, Banco Mundial, Oxfam, Care Internasional, Caritas Australia, ho tan parseriu sira seluk. (R2)