DILI—Klibur Estudante Fatuberliu (KEFA) halao konferensia da imprensa iha Universidade Oriental Timor Loro sa’e (UNITAL) atu fo agradese ba governu  Timor Leste, tanba ho kolaborasaun no ajudus ne’ebe governu TL fo ba KEFA iha tinana ida nee nia laran.  Atu Promove Justisa sosial, ami husi klibur estudante fatuberliu (KEFA) hakarak fo obrigado no agradese ba governu Alianca Maioria Parlamentar (AMP) liu-liu ba Sekretariu Estadu Joventude e Desportu (SEJD) no mos ba funsionari sira hotu,” dehan Kordenador KEFA Euclidis Torezzao, tersa (20/12), iha Kampus UNITAL Becora.

Nia dehan ho sira nia espiritu Nasionalizmu no Patriotizmu hodi dezenvolve dunik Timor Leste iha mundu internasional nia oin hodi bele fo apoiu no tulun mai ami Klibur Estudante Fatuberliu (KEFA) hodi halo programa iha Subdistritu Fatuberliu no mos iha Dili laran.
Nia hatutan, SEJD fo apoiu no tulun mak hanesan primeiru hodi komemora loron restaurasaun independensia 20 de Maio  2011 ho montante osan $4.30, bola kaki neen (6), bola Volly haat (4), Net ida (1), Redi baliza ida (1), no Taxa set ida (1). Tulun seluk maka hodi festeza natal hamutuk iha Subdistritu Fatuberliu ho osan $400.

“Ami mos sei iha programa rua atu ba halo iha Subdistritu Faruberliu hanesan jogu amigavel no sei halao peskiza iha area edukasaun, agrikultura, saude no infraestrutura,” nia dehan. (R-4)