DILI-Governu liu husi Departementu Inspeksaun Jeral Ministeriu Torizmu Comercio no Industri (MTCI) atu hasai negosiante estranjeiru komesa Dezembru 2011 hahu implementasaun dekretu lei numeru 24 ba negosiante estranjeiru sira. “Ami agora halo hela inspekasaun ba merkadu tradisionais tolu iha Dili mak hanesan, Merkadu Taibesi, Halilaran, no Comoro.Tanba tuir dekretu lei numeru 24 artigu 6 pontu 3 hateten ema timor oan mak halao atividade Comercio iha Merkadu Tradisonais,” Diretur Inspeksaun Jeral Ministeriu Torizmu Comercio no Industri (MTCI) Jose Perreira kasu lia hirak nee ba Business Timor Segunda semana liu ba iha ninia serbisu fatin.

Nia dehan, iha merkadu Taibesi ekipa halo hela inspeksaun ba loja no merkadu 3 hanesan Merkadu Taibesi, Merkadu Halilaran loja 12, no Comoro halo ba loja 4.

“Ami avizu ona ba negosiante estranjeiru sira, atu sai ona husi fatin sira ne’e tanba sira labele halo atividades iha Tradisionais hanesan mos sira nebe mak halo atividades negosiantes barak liu iha Merkadu no mos negosiu kaki lima (5) mos so timor oan deit mak bele,” nia dehan.Nia hatutan ami sei halo tan nia kontinuasaun tuir ami sei halo ba to’o iha Merkadu sira iha kapital Dili laran no sei ba to’o iha Merkadu sira iha distritu 13 hotu para halo inspeksaun hotu ba sira tenki halo fali buat nebe mak ho volume bo’ot.

Entertantu iha parte seluk vendedor Maria da Costa lamenta ho negosiante estarnjeiru hanesan Xineza, Indonesia ho Jepaun tanba sira fa’an sasan hetan lukru liu negosiante Timor oan.Ami fa’an sasan hanesan sabaun 25 sira fa’an ba 15 centavos, sinelus ami fa’an $1 sira fa’an ba 50 centavos, nee mak negosiante timor oan lasimu tanba husi estranjeiru hetan lukru barak liu kompara ho timor oan.Uluk negosiante estranjeiru sira fa’an sasan tomak deit maibe agora sira fa’an sasan rahun hanesan, roupa uluk lusin ida $6 maibe agora fa’an rahun tolu $1 ne’e halo mate negosiante Timor oan,”nia informa.  (R-4)