SUAI----Relasiona komemorasaun loron proklamasaun independensia 28 de Novembru ba dala-46 (1975-2021), ba tinan ida ne’e Sekretaria Estadu Juventude no Desportu (SEJD) aloka orsamentu ho montante hamutuk rihun $33.970.00 hodi organiza atividade desportu iha Postu Administrativu 7, ne’ebé kompostu iha Munisipiu Kovalima.

Tanba ne’e Postu Administrativu Fohorem hetan alokasaun hamutuk rihun $4.756.00 hodi organiza aktividade Despotivu nune’e bele anina komunidade sira iha ambitu komemorasaun loron Proklamasaun Independensia ba dala 46. Lia hirak ne’e hato’o husi Manajer Programa Centru Juventude Covalima, Bernabe Ferreira wainhira Partisipa iha serimonia abertura atividade Desportu Iha Postu Administrativu Fohorem. Nia dehan orsamentu ne’ebé hetan husi SEJD aloka ba kada Postu Administrativu ho montante la hanesan.

“Oramentu ne’ebé ita hetan husi SEJD ho montante hamutuk rihun $33.970.00 ne’ebé Aloka ba kada Postu balu hetan Numeru Kiik balun bo’ot, hanesan; PA fatululik $4,078.00, Fatumea $4,417.00, iha Postu 3 Fohorem, Maukatar no Tilomar hetan $4.756.00, Postu Suai $5,095.00, no Zumalai hetan $6,112.00,” Hateten Manajer Programa Centru Juventude Covalima, Bernabe Ferreira ba jornalista sira iha kna’ar fatin, Segunda (22/11).

Iha sorin seluk, Kordenador Jeral Seksaun Animasaun desportivu 28 Novembru iha Postu Fohorem, Angelo da Costa Oliveira Halore, Partisipa iha Aktividade Despotu ne’e hamutuk Klubu 8 ba modalidade Voley boll, Mane klubu 4 no Feto klubu 4, husi klubu sira reprezenta Suku 4 iha Postu Administrativu Fohorem. “Ba Modalidade Voliboll hamotuk Klubu 8 ( Feto 4 mane 4) Bola kaki Klubu hat ne’ebé mak reprezenta Suco 4, osan ne’e hetan husi Sentru Juventude, aloka ba premeio iha $3,400, ba material $1,356” Angelo Esplika.

Nia hatutan vensedor iha aktividade desportivu ne’e sei hetan premiu ne’ebé valoriza ho osan ne’ebé ho montante lahanesan. “Sira ne’ebé manan sei hetan osan, primeiru lugar volibol sei hetan osan $300.00, Segundu Lugar $250.00, terseiru lugar iha $200.00, ba fali bola kaki Juara satu hetan $400.00, Juara dua $350.00, juara tiga 250.00, premio ba jogu hana kaleik ne’e organiza husi Xefe na’in hat tanba ne’e iha kategoria rua maibe osamentu preve hamutuk iha osan $3.400 ne’e,” Hakotu nia. (BT)