DÍLI----Sekretariu Estadu Joventude no Desportu (SEJD) Abrão Saldanha, hatete, Ohin selebrasaun akordu inter-organiku iha dominiu area joventude no desportu hamutuk ho Ministeriu Administrasaun Estatal (MAE) atu oinsa delega kompetensia iha servisu joventude no desportu balun ba servisu administrasaun munisipal sira.

“Ohin selebrasaun akordu inter-organiku iha dominiu area joventude no desportu hamutuk ho Ministeriu Administrasaun Estatal (MAE) delega kompetensia iha servisu joventude no desportu nian balun ba servisu administrasaun munisipal sira, atu hahú halo atividade sira ne’e no iha kompetensia hodi organiza rasik atividade sira iha munisipiu sira,” Hateten SEJD Abrão Saldanha, ba jornalista sira iha salaun MAE Kolmera Díli, Kinta (18/11).

Nia hatutan, Iha dominiu joventude nian iha formasaun joven eleitu suku, estimula emprendedorismu joven sira iha suku, iha artemarsiais nian, iha desportu nia ita atu dudu desportu eskolar nivel ensinu basiku no sekundariu, desportu komunitaria no festival desportu munisipais sira, desportu tradisionais sira ne’ebé atu promove fali. “Ho akizasaun fasilidade desportiva sira nivel komunitariu bele sai hanesan kompetensia ne’ebé servisu munisipal sira bele tau matan,” Afirma nia.

Iha sorin seluk, Ministru Administrasaun Estatal (MAE), Miguel Perreira de Carvalho, hatutan, MAE apresia kolaborasaun liu husi MEJD hodi ohin loron entidades governamental rua (2) ne’e bele asina akordu inter-organika delegasaun kompetensia iha dominiu juntu desportu.

Tuir dekretu lei 3/2016 ne’ebé mak deskonsentra ona kompetensia lubuk ida ba munisipiu sira iha dominiu juntu desportu so bele realizadu wainhira iha ona akordu delegasaun kompetensia sira no ha’u kontenti teb-tebes tanba depos tinan-5 nia laran VIII konstituisionál entre governamenta rua (2) ne’e bele konsge asina akordu interorganika ida ne’e.

Nia dehan, Akordu organika ida ne’edeskonsentra kompetensia husi governu sentral nian husi SEJD nia iha dominiu juntu desportu ba administrasaun munisipal no autoridade munisipal sira para hodi realize atividade desportu eskolar, desportu komunitaria, ita nia joventude sira tantu iha postu administrativu, iha munisipiu nomos iha suku sira.

“Ha’u fiar ho asinatura akordu ida ne’e sei iha atividade juventude no desportu barak liu ne’ebé involve autoridade komunitaria, autoridade lokais sira inklui ita nia joventude no ita nia populasaun barak iha nivel suku no aldeia sira, no kustu ba jestaun no organizasaun programa desportu eskolar no ensinu basiku no sekundariu ho montante $231, 750.00,”Dehan Miguel

Ne’e papel governu sentral nian atu garante meloria prestasaun servisu publiku ba iha ita nia populasaun sira iha munisipiu iha area rurais no ida ne’e so ita bele realize wainhira ita respeita no kumpri obrigasaun konstituisional nian preve katak administrasaun publika nia servisu sira tenki deskonsentradu no wainhira posivel futuramente desentralizadu ba iha poder lokal sira ne’ebé previstu ona iha artigu 72 husi ita nia konstituisaun da RDTL.

Nia haktuir, Ohin loron asina akordu interorganika ne’e nia entre envigor tiha ona depois publika iha jornal da republika no nia implementasaun. MAE hanesan entidade governamental ne’ebé mak responsavel ba asuntu sentralizasaun postu administrative nian no nia servisu prinsipal mak atu garante servisu sira administrasaun lokal do estadu ne’e bele deskonsentra ona iha desentralizada.

Agora servisu sira ne’e servisu mai husi ministeriu relevante sira husi sekretariu estadu relevante sira, agora kabe ba SEJD mak anualmente trasu planu sira ne’e depois bele planu sira ne’e bele implementa konjuntu ho autoridade sira iha munisipiu nomos postu administrative sira. (BT)