DÍLI----Xefe komisaun organizadora Kopa Naval-2021, Primeiru tenente, António do Rosário, hatete, Ohin abertura Kopa Naval ne’ebé kompostu husi Klubu 32, ne’ebé mai husi Munisipiu sira atu oinsa bele kompete ba Kopa Naval nomos klubu sira ne’eb’e tinan kotuk rezistu ona no kopa naval primeiru lugar, sei hetan $2.000 ho taxa rotativa no taxa permanente ida.

“Kopa Naval 2021 ida ne’e kontinuasaun kopa naval ne’ebé ita realiza ona iha 2020, realizasaun ba kopa ida ne’e ho nia objetivu atu komemora ba loron komponente naval ba dala-20, ne’ebé sei monu iha loron 12 fulan janeiro tinan 2022, ne’e maka ita komemora kopa ida ne’e,” Hateten Xefe Komisaun Organizadora Kopa Naval, Primeiru tenente, António do Rosário ba Jornalista sira iha Hera Dili, Kinta (28/10)

Nia hatutan, Osan ida ne’e sei aloka moos ba mana’an nain sira iha Kopa ida ne’e, primeiru Lugar, sei hetan $2.000.00 dollar ho taxa rotativa ho taxa permanente ida, Segundu lugar sei hetan $1.200 ho taxa ida no terseiru lugar sei hetan $900.00, ho taxa permanente ida no kuartu lugar sei hetan $700.00 ho taxa permanente ida.

Ne’e dunik, “Klube ha’at (4) ne’e, sei hetan sertifikadu ne’ebé mak ita iha kolaborasaun di’ak no servisu hamutuk ho Federasaun Futebol Tinor-Leste (FFTL), no ita nia sertifikadu ne’ebé mak atu fó ba sira, FFTL mos sei hare ida ne’e, para partense ba kriteria tanba ita sei fo premiu mos ba melhor markador, melhor jogador, melhor guarda-rede, sira hotu-hotu sei hetan $1.50 dolar kada jogador,” Esplika nia.

Nia akresenta, Tinan ida ne’e iha diferensa ho tinan kotuk tanba tinan kotuk, ita la iha preparasaun, entaun ita la du’un involve partense husi Munisipiu sira. Maibe tinan ida ne’e, ita involve Munisipiu hotu-hotu, em prinsipiu Munisipiu ha’at (4) de’it mak bele partisipa, Munisipiu Viqueque, Baucau, Manatutu no inklui RAEOA.

“Ita-nia hakarak atu alarga ida ne’e ba iha teritoriu tomak ne’ebé akordu ho ita nia moto katak, hodi desportu ita promove ita nia joventude sira para atu manten paz ne’ebé mak ita iha nanis tiha ona, hodi garantia estabilidade nasionál tanba ita hakarak atu involve ita-nia juventude sira ne’ebé mak iha area remotas, para promove parte komponente Naval ba iha Inan-Aman sira no ita-nia Joventude sira ne’ebé mak iha area remotas, ne’ebé mak sira la hatene katak durante ne’e só ita nia forsa terestre de’it,” Tenik nia.

Nia Afirma, Kopa ida ne’e, kompostu husi klubu 32, ne’ebé mak ita halo ho standarizasaun Internasionál. Husi registu, kada klubu sira tau osan $250.00 mais $50.00 ba iha kartaun kinur no mean (Jaminan), ba sira nia jogador no treinador sira, tamba ne’e mak hamutuk $3.000 dollar kada Klube.

Iha sorin seluk, Resprezentante Chefe Estado Maior General das Forças Armadas, Tenente koronel, Mario Baptista (Bersama), Hatutan, Liuhusi torneiu ida ne’e, ita bele promove Juventude sira nia talentu iha atividade desportivu liu-liu iha modalidade futebol, tanba liu husi eventu sira hanesan ne’e mak ita bele produs jogador kualidade iha ita nia Nasaun.

“Hau Hanoi inisiativa diak tebes tanba bele kontribui ba paz no estabilidade atu bele evita violensia ne’ebé mosu iha ita nia leet, liu-liu ba joven sira, Tanba ne’e inisiativa ida ne’ebé kapas tebes hodi bele garantia paz no estabilidade iha Timor-Leste,” Haktuir Resprezentante Chefe Estado Maior General das Forças Armadas, Tenente koronel, Mario Baptista (Bersama).

Nia Informa, Husu ba joven sira katak, jogu ne’e la'os atu hatudu ita nia forsa ida ne’ebe la diak ba puliku maibé tenke hatudu performasaun jogu bonitu no disiplika iha kampu laran no tenke obedese ba regra ne’ebé iha ona no kria husi komisaun organizadora, hakotu nia. (BT)