DÍLI----Prezidente Federesaun Golf Timor-Leste (FGTL), Christopher Hendry Samson Federesaun Golf Timor-Leste (FGTL), hateten, Halo kompetisaun Top Golf ba juventude sira iha Area Branca Metiaut hodi promove di’ak liu tan sira nia talentu ba modalidade despotivu Golf.

“Objektivu halo kompetisaun ida ne’e lolo’os atu selebra loron konsulta popular 30/08 maibé tanba impaktu husi Covid-19, Timor-Leste aplika Konfinamentu Obrigatoriu mak foin realiza iha loron ohin,” Hateten Prezidente Federesaun Golf Timor-Leste (FGTL), Christopher Hendry Samson, ba Business Timor (BT) iha Rai Henek Mutin Metiaut, Dili, Domingu (26/09)

Nia hatutan, Inisiativa ida ne’e, atu bele fó informasaun ba juventude sira iha Timor-Leste katak, modalidade Golf importante ba joventude sira atu aprende iha futuru se mak atu bele lori Nasaun Timor-Leste hodi ba kompete iha Nasaun seluk tanba ne’e maka ohin ita haree husi nasaun seluk mak barak liu partisipa iha kompetisaun Golf no Timoroan mós barak partisipa.

“Ami fiar metin, Federasaun Golf ne’e, iha no prosesu rezistrasaun hotu ona mak ema barak sei mai partisipa hodi lori prosesu ne’e ba oin tanba jogu ohin nia objektu oinsa mak introdus ba Timoroan sira katak, ita iha ona modalidade Golf iha Timor-Leste no ema hotu bele mai partisipa iha kompetisaun ne’e,” Salienta nia.

Ne’e Dunik, Top Golf Timor ka hanaran Federasaun Golf Timor-Leste (FGTL), Hanesan modalidade ne’ebé foun iha Nasaun Timor, modalidade ida ne’e harii husi ema sira ne’ebé gosta halimar Golf, maka iha inisiativa hodi forma federasaun ne’e.

Nia dehan, Federasaun ne’e rasik iha ona prosesu rezistrasaun iha Sekretariadu Estadu Juventudwe no Desportu Timor-Leste no hetan ona aprovasaun. Daudauk prosesu la’o hela iha Ministeriu Justisa.

“Agora Timoroan sira bele mai iha fatin ne’e (Area branca) hodi aprende desportu Golf tanba nu’udar Prezidente eleitu ba Federasaun Golf Timor-Leste (FGTL), ne’ebé agora organiza treinamentu ida ne’e, Ha’u husu jerasaun tuir mai, juventude sira, alin sira, sese de’it mak iha interese ba modalidade Golf bele mai partisipa tanba fatin ne’e ida de’it, bele mai aprende tanba loron-loron ami iha hodi atende ema ne’ebé mai partisipa atu hetan formasaun ba desportu Golf,” Informa nia.

Nia Haktuir, Ita iha hanoin ba futuru atu loke Golf ne’e hanesan kompetisaun nasionál ba Timoroan hotu maibé Golf nia fatin mak ida de’it, nia la muda husi fatin ida ba fatin seluk maibé ita koko agora oinsa atu bele fó treinamentu ba ita-nia oan sira, juventude sira atu bele mai partisipa iha modalidade Golf nomos Golf nia fatin dadauk iha Area Branca, Metiaut no fatin ne’ebé dadauk prepara bo’ot liu ida ne’e maka iha Hera, iha fulan haat ka lima mai ita sei muda ba halo kompetisaun iha Hera.

Nia Afirma, Iha tempu ne’ebé hanesan, sira mos Agradese ba Timor-Plaza ne’ebé ho hanoin di’ak hodi prepara fatin ba ema sira ne’ebé gosta atu halimar Golf ne’e rasik. Alende, Partisipante sira ba kompetisaun Golf loron ohin fahe ba grupu 4, iha grupu ida komposatu husi ema na’in 4, total hamutuk ema na’in 16 mak tuir kompetisaun ida ne’e. Iha grupu 4 ne’e ema ida mak mana’an iha ninia grupu maibé hafoin sura katak, se mak mana’an jeralmente hodi sai primeiru, segundu no treseiru lugar.

Alende Kompetisaun ne’e, Primeiru lugar hetan taxa 1 ho osan $200.00 no voucher, segundu lugar hetan osan $150.00 ho voucher $50.00 hodi hola sasan no terseiru lugar hetan $100.00 ho voucher $50.00 tanba Kompetisaun GOLF ne’e sente katak, Loron 28 fulan Novembru besik daudauk ona ita sei halo kompetisaun ida hodi selebra loron istoriku ne’e. (BT)