DILI----Komisaun Organizadora Movimentu Estudante Tane Oe-Cusse Oan (METO) Zecafriado Afulit Coa, Informa, METO cup realiza tanba hetan apoiu finansial balun husi Lider Karismátiku Kay Rala Xanana Gusmão ho Gabineti Prezidente Autoridade Rejiaun Administrativu Espesial Oe-Cusse Ambeno (RAEOA) hamutuk rihun $2000.00 inklui inteletual Oe-Cusse oan iha Dili hodi kria jogu amizade atu komemora loron 28 novembru 2021.

“Ha’u hanoin ida ne’e oportunidade diak teb-tebes ba Oe-Cusse oan, inisitiva loke torneu METO CUP hodi komemora loron historiku 28 novembru 2021 ba dala 46 ho tematíku hametin lasus amizade entre Oe-Cusse oan iha kapital atu hakuak metin unidade nasional hodi kontribui ba dezemvolvimentu nasional,” Hateten Presidete Komisaun Organizadora Zecafriado Afulit Coa ba jornalista sira iha kampu Futeból Dom Bosku Komoro, Tersa (14/09).

Nia hatutan, Objetivu husi Meto Cup ida ne’e atu bele valoriza no dignifika eroi da padria sira ne’ebé oferese sira an tomak ba kontribuisaun mate voluntaria ba rai ida ne’eba libertasaun nasional, tanba ne’e mak hanesan joventude ba rai ne’e ninian ami iha responsabilidade moral atu kontribui liu husi jogu amizade ho kompetisaun futébol ho karakter amizade atu hametin unidade nasional.

“Eventu ida ne’e realiza tanba hetan apoiu husi gabineti autoridade RAEOA ho montante $2000.00 no hetan mós apoiu husi Kay Rala Xanana Gusmão apoiu maximu tebes finansial entermus fisika inklui intelektuias Oe-Cusse oan iha dili kontribui osan $5.00 $10.00 $ 20.00 no balun mós fó apoiu ideias no motivasaun to’o ohin bele realiza eventu ida ne’e,” Hateten nia.

Nia dehan, Ekipa ne’ebé rejistu iha eventu METO CUP hamutuk ekipa-23 kompostu husi suku 18, sub rejiaun 4, ne’ebé existi iha RAEOA, no klubu 23 ne’e tanba husi suku balun iha ekipa rua no tolu mak rejistu. Osan rejistu kada ekipa $25.00 hodi partispa iha eventu erefere. total osan rejistu husi klubu 23 hamutuk $575.00.

Nia Relata, Kona ba Seguransa, Komisaun iha garante seguransa ba eventu ida ne’e tanba iha karta kuinesimentu ba Komandu Jeral Policia Nasional Timor Leste (PNTL), iha mós karta kuinesimentu iha Eskuadra Policia Kumoro, inklui Autoridade Lokal sira. “Eventu ida ne’e ohin hahu loke abertura no jogu final sei termina iha loron 28 fulan novembru tinann 2021, nune’e, konaba premiu ba manaan nain sira, komisaun dadaun ne’e prepara hela tuir klasifakasun Primeru Lugar, Segundu seidauk hatete lolos montante só Terseiru Lugar deit maka sei hetan $250.00 no material balun,” Salienta nia.

Enkuantu, Iha sorin seluk, Presidente Movimentu Estudante Tane Oe-Cusse (METO) Paulino Cono Fallo, Haktuir, Em nome Movimentu Estudante Tane Oe-Cusse (METO) Agredese tebes ba apoiu tomak husi Lider Karimatiku Kay Rala Xanana Gusmão, Gabinete Presidente Autoridade RAEOA, Intelektuais no Atoni oan Oe-Cusse Tomak iha Dili, ne’ebe hamrik apoiu METO ne’ebe mak realiza ona METO CUP hodi oinsa halibaur Atoni-Oan iha Dili hari’I no kesi metin unidade nasional atu relembra hikas herois sira ne’ebe mak fo a’an tomak ba URA 28 de Novembru 1975.

“Hau lori kolega sira husi Movimentu Estudante Tane Oe-Cusse (METO) inisiativa atu forma movimentu ida ne’e atu hare no kontrollu problema sosial tanba METO hamriik iha tempu difisil no tenpu susar nia laran ne’ebé akontese ita hotu hatene kuandu mosu pandemia covid 19 nomos inundasaun ema hotu terus no ema hotu sofre tan hamlaha, balun lakon sira nia vida tanba inundasaun, ida ne’e iha tempu ne’eba Oe-cusse Oan hotu hamutuk iha edifisiu ZEEMS farol dili ejiji hodi fila ba knua Oe-cusse, maibe to’o ohin loron hamrik iha ne’e, ho haraik a’an husu diskulpa ba Gabineti Autoridade RAEOA tanba husi situasaun ne’e maka Movimentu Estudante Tane Oe-Cusse existe,” Haktuir Presidente METO, Paulino Cono Fallo.

Nia Haktuir tan, METO hamrik la hare ba kor lahare ba rasa mutin ka metan la hare ba relijiaun, maibé hakarak halibur atoni oan iha ne’ebe estudu no buka moris iha kapital dili atu bele unifika forsa no bele sai unidade hodi partisipa ba dezenvolvimentu nasional.

“METO mai ho prinsipiu ida katak estuda hamutuk, lao hamutuk, ho lian ida, no iha asaun ida, tanba ne’e ami agradese ba Avo kay Rala Xanana Gusmão ne’ebé horseik mai partipa ba preparasaun torneu atoni cup. Meto mos laos kria jogu amizade deit maibé iha atividades sira seluk hanesan formasaun ba area oi-oin kada sabado, no laos ne’e deit iha kursu lian portuguesa no lian english basik ba labirik kiik oan sira hodi aprende hamtuk ho voluntariu,” Hakotu nia. (BT)