DILI----Lider Karizmátiku Kay Rala Xanana Gusmão hamutuk Sekretariu Jeral Federasaun Futeboll Timor Leste, (FFTL) Nelio Isac Sarmento louve tebes Atoni-Oan liliu Movimentu Estudante Tane Oe-Cusse (METO) ne’ebe mak realize ona METO CUP hodi oinsa relembra hikas loron historiku 28 Novembru ba dala-46 (28 Novembru 1975-28 Novembru 2021) hodi harii no kesi metin atoni-oan iha Dili sai unidade nasional.

Tuir Ex Primeru Ministru-IV Governu Konstitusional, Kayrala Xanana Gusmão, Hatete, Desportu sai hanesan dalan ida meius ida ba imi bele fo laran ba malu nafatin tanba desportu hanorin katak lakon ka manaan hanesan deit, importante maka ita ba partisipa ho fuan ho laran.

“Inisiativa diak teb-tebes hau la imajina katak Oe-Cusse oan barak hanesan ne’e, nufim hamosu eventu hanesan ne’e hasoru malu barak tebes sai unidus tebes. Tan ne’e hau hanoin eventu hanesan ita presija tebes duni hari’i unidade iha ita-nia neon, iha ita-nia hahalok, komu imi mai husi do’ok teb-tebes ida, hau la imajina barak hanesan ne’e. Ne’e duni ha’u louva teb-tebes imi-nia isiativa ida ne’e,” Hateten Lider Karimátiku Kay Rala Xanana Gusmão ba Jornalista sira iha kampu Futeból Dom Bosco Comoro, Tersa (14/09).

Nia hatutan, Labele hare ba lakon sai halo barullu maibe lakon ka manan hare oinsa ba objetivu torneu ne’e halibur imi halo imi hamutuk, hare ba malu, bolu malu iha imi-nia aspirasaun, ohin loron nian atu prepara an ba loron ikus nian maka joga didiak, joga ho espritu unidade ninian.

Nia dehan, Husu bo’ot katak husi Federasaun Futebol Timor Leste (FFTL) bele nafatin apoiu ikus mai bele fo nafatin apoiu imi mos kria eventu ba loron importante sira, maibe ita koalia desportu mak futebol, basketbal, volley bol feto-mane, ferik-katuas la’os deit joven sira maibe desportu sai hanesan dalan ida meius ida ba imi bele fo laran ba malu nafatin tanba desportu hanorin katak lakon ka manaan hanesan deit, importante maka ita ba partisipa no importante maka fo ho laran.

“Tanba ne’e ita husu mak ida ne’e manaan ka lakon ne’e laos problema bo’ot mai ha’u, hatudu imi-nia kualidade nudar jogador, hatudu mos kualidade karakter nudar atoni-oan no nudar timor oan. Ne’e duni husu bo’ot torneu ne’e lao diak nune’e ikus mai bele kontinua nafatin, kapaz tebes tanba torneu ne’e hanoin mos loron komemorasaun ka loron istoriku Timor Leste ninian,” Salienta nia.

Nia relata, Iha tempu ne’eba antes loron loron 28 fulan Setembru 1975 ami mos aprende uluk ami atoni bapa sama ami ba bei-beik. Labele hare ba oinsa tenke manan hare ba objetivu torneu ne’e halibur imi halo imi hamutuk hare ba malu bolu malu iha imi-nia aspirasaun ohin loron nian atu prepara an ba loron ikus nian maka joga didiak joga ho espritu unidade ninia.

Iha sorin seluk, Sekretáriu Jerál Federasaun Futeból Timor-Leste (FFTL) Nelio Isac Sarmento, Hatutan, Hanesan Reprezentante FFTL Sente louva tebes Atoni-Oan iha Dili tanba foin primeira ves hare joven foin sa’e halibur malu kria jogu amizade entre suku husi Munisipiu ida, memzu uluk tempu Indonesia kedas seidauk iha joven kriativu hanesan ne’e.

“Ha’u observa eventu sira hanesan ne’e importante tebes ba joven sira iha momentu hanesan ne’e tanba desde tempu okupasaun indonezia, hau seidauk hare, foin maka agora Oe-Cusse oan moviliza malu iha kapital Dili halo or ganizasaun sira hanesan ne’e” Haktuir nia.

Nia dehan, FFTL Orgullu teb-tebes tanba ami iha Dili koalia hanesan ne’e ai hun ida ai sanak ida laseluk laleet manu knuuk ida, ne’e dehan katak ita bele diferente koor, relijiaun maibé ita iha kultura tradisaun no maun alin ida deit maka Oe-Cusse oan sira. “Ne’ebé inisiativa ne’e importante teb-tebes hot-hotu iha ne’e liu-liu iha dili orgullu tebes ba Oe-Cusse oan bele organiza halo eventu sira hanesan ne’e.

Ba federasaun futébol tanba ami hetan informasaun ikus husi komisaun organizadora depois maka ami bele kontribui it oan maibé hau hanoin katak inisiativa ne’e kontinua ho diak sei servisu hamutuk diak liu tan atu halibur atoni oan iha kapital dili. Parabens ba imi nia inisitiva ida ne’e joga bola halo diak ba, halibur malu ba importante maka kria unidade paz no estabilidade entre atoni oan,” Hakotu nia.

Eventu ne’e realiza iha kampu futebol Dom Bosku Suku Comoru, Sub-Distritu Dom Aleixu Munisipiu Dili. Enkuantu parsipante iha eventu ne’e husi Lider Karismatiku Kay Rala Xanana Gusmão, Sekretáriu Jéral FFTL, Nelio Isac Sarmento, Xefe Gabineti RAEOA Dili, Autoridade Lokal sira inklui mos Intelektuais Oe-Cusse oan, no adeputus husi suku sanu resin walu (18). (BT)