DÍLI----Ekipa Sekretaria de Estado Joventude no Desportu (SEJD) kompostu husi, SE, Direktur Desportu inklui staff , halo inspeksaun ba kampo lima iha sidade dili hodi hare’e dereitamente kondisaun kampo nian hodi hatama ba planu, para bele subtitui ba orsamentu jeral.

Direktur Desportu SEJD João Rodriques hatete, objektivu husi vijita kampo ida ne’e tanba bazeia ba desportu,  infrastruktura basik ne’e importante ba joventude hodi asesu tuir sira nia talentu ba futuru! Ne’e dunik husi vijita kampo refere sei tama ba planu SEJD nian para bele identifika klaru, liu-liu ba rai, hodi nune’e bele servisu hamutuk ho Terras Propprioridade  para  utiiza rai ne’e? hodi bele hatama ba orsamentu governu para subtitui ba dezenvolvimentu nasional.

João esklarese katak dala barak komunidade ejiji atu hadia kampo, maibe depois de hadia sira lakoi utiliza, ida ne’e mak sei sai perkupasaun sira nian, inklui joven barak mos la iha interese no  intensaun hodi uja oportunidade ba kampo ne’e para hatudu sira nia talentu. Iha fatin hanesan Postu Administrador Sub-Distritu Cristu Rei Jose Jeca Smith senti orgulhu ho planu SEJD mai vijita kampo sira nian,  hodi nune’e bele hadia ba dezenvolvimentu nasional inklui produs no hasae talentu joventude, ne’e dunik ba kampo refere sei la iha impaktu wainhira atu halo konstruksaun tanba rai ida ne’e estadu nian,”dehan Jeca ba Jornalista BT iha kampo Becora, kinta-feira (10/09).

Entertantu Chefe Suku Bidau Santana Francisco do Asis Freitas sublinha,  maske antes ne’e kampo bintang  konhesidu tanba konsege produs jogador Bansuma barak, maibe ohin loron sai fali aniamal nia luhan tanba animal mak toba i nomos la iha ema ida mak hanoin atu hadia! ne’e dunik ho prezensa SEJD nia fiar katak aban bain rua kampo ne’e bele sai fali hanesan uluk. Entertantu iha vijita ne’e ekipa Sekretaria de Estado Joventude no Desportu (SEJD) konsege ba hare’e kampo 5 iha dili laran kompostu husi, kampo Becora, kampo Bintang, Kampo Alor no Komoro inklui Stadion Munisipal Dili. (BT)