DÍLI----Oan husi fundador Federasaun Aikido Japaun “Shense” Abe Houn mai ha sae sabuk ba atleta timoroan hamutuk  nain 44 iha Jinasiu Koni, kompostu husi Dan-1 nain rua inklui sira seluk.

“Shense” Abe Houn hatete, tuir nia haree atleta timor iha kapasidade no vontade makas hodi aprende Aikido ne’e dunik nia senti kontenti, tanba ne’e  iha futuru nia sei hakarak mai fali vizita Timor-Leste,.  Nia sublinha katak, objetivu husi  ijame ida ne’e atu haree atleta nia  tekniku  no mentalidade espritu ne’e to iha ne’ebe no liu-liu haree atleta nia espritu ba futuru, tanba  aikido la hanesan arte marsiais sira seluk. 

Iha fatin hanesan Sekretaria Federasaun Aikido Timor-Leste (FATL), Francisco Varudo senti orgullu ho prezensa, Abe Houn tanba durante Aikido hahu ejizte iha foin primeiru vez timoroan  sira hetan sabuk ho Dan-1  husi atleta ho naran Jose Lobato ho Augusto do Santos.  Nia mos agradese ba familia atleta sira tanba, durante ne’e sira mak sempre suporta Aikido hodi lao ba oin.  

Entertantu atleta Jose Lobato hatete, Aikido hanesan olahraga ida ba nia hodi treinu,  nia hahu treinu Aikido iha Indonesia maibe la hotu, tanba ne’e iha timor foin halo hotu.   “Ohin hanesan oportunidade diak ida ba nia tanba Shense Abe Houn mak mai direitamente,”dehan nia.  Aikido nia signifika ai ne’e harmonia, ne’e dunik nia dalan atu uza forsa ho espritu hodi tau hamutuk, signifika katak wainhira ema ida ataka ita, ita uja fali nia forsa hodi ataka nia, ida ne’e mak aikido hanorin. Entertantu total atleta ne’ebe partisipa hodi sae sabuk hamutuk ema nain 44 kompostu husi sabuk polos to Dan-1. (BT)