DÍLI----Relasiona ho Orsamentu Jeral  Estado ne’ebé aprova husi Parlamentu Nasional ho montante $.350,000.00 ba Federasaun Futebal Timor-Leste (FFTL) hodi ezekuta ba eventu nasional ho naran liga amadora, seidauk tama konta bankaria federasaun no sei iha hela SEJD nia konta, tanba ne’e federasaun husu ba SEJD hodi asumi responsablidade tuir lei ne’ebé vigura ona iha orsamentu jeral do estadu hodi aloka osan atu realize atividae desportu ne’e.

Vise prezidente nomos atual Finansas Federasaun Futebal Timor-Leste (FFTL) Osorio Florindo Da Conçeição Costa hatete, tuir lezistaun finanseira no lei orsamentu jeral do estado ne’ebé  Parlamentu Nasional aprova osan ho montante $350,000.00 hodi aloka mai FFTL  hodi organija eventu Nasional Liga Amadora, maibe to agora osan ne’e seidauk tama iha konta bankaria FFTL.

“Mais osan ida agora ne’e ba fali kofre estadu ou ba ne’ebé hau la hatene tanba osan ne’e Sekretaria de Estado mak jere, Tuir lolos ne’e se membru do governu sira komprende lei jestaun de finanseira no komprende ezekusaun orsamentu, orsamentu ne’ebé aloka lolos ho justifikasaun klaru husi proposta ne’ebé aprova husi Parlamentu Nasional,” Dehan Osorio ba BT iha edifisiu FFTL, segunda-feira (07/09).

Nia dehan lolos osan ne’e  aloka ba federasaun,  intermus administrasaun federasaun mak jere husi autorizasaun SEJD nian, agora liga ba orsamentu 2015 ho montante $350,000.00 los dunik osan ne’e atu uja ba kompetisaun rai laran, maibe to agora fulan Setembru ona osan ne’e seidauk tama mai konta bankaria federasaun nian. Nia hatutan, agora dadaun SEJD komvida ema hotu husi parte  organizasaun hodi harii liga ida ho naran Liga Amadora, ne’ebé hetan partisipa husi Sosiedade Civil, NGO, Emperejariu inklui Federasaun rasik no  ida ne’e buat diak ne’ebé durante ne’e povo ho futebolista sira hein hela.

Nia subliña federasaun tuir prinsipiu hato’o ona planu atu realiza liga Amadora,  hodi mensiona iha proposal atu nue Parlamentu Nasional bele aprova maibe la hetan aprova no tinan ida ne’e mak foin aprova. “Hanoin ne’e diak tanba povu tomak hamrok hela ba liga, hau rasik mos hamrok, tanba hau mos iha klubu hodi nune’e bele organiza para hodi partisipa iha liga refere, tanba se ita kaer klubu la iha jogu mos hanesan deit, tanba ita hasai osan saugati deit no  organizasaun ne’ebé sira harii badang liga ne’e hau 100% aseita ho ida ne’e, maibe buat ne’ebé hau kestiona mak tuir lei orsamentu do estadu osan ne’e aloka mai federasaun mak ezekuta laos SEJD,”dehan nia

Nia dehan SEJD mak reprezenta federasaun hotu  nia planu hodi hatama ba Parlamentu Nasional hodi aprova tanba sira mak iha poder, depois  hato’o fali ba Ministerio da Finansas tuir proposta ne’ebé iha hodi despaisa osan ne’e mai federasaun nia konta bankaria para atu ezekuta. Maibe se não lukrutiva “tidak terbawa bisnis” ida ne’e klubu sira mate, tanba  ema atu hari’i klubu pelumenus tiket sira ne’e bele fan hodi nune’e bele hetan fitback iha ne’eba sei lae se mak hakarak atu kaer klubu? Se asane entaun SEJD loke rasik sira nia klubu 13 hodi ema bele joga iha liga ne’e, tanba ema loke klubu uja ema nia osan! ne’e dunik se não lukrutiva ida ne’e desijaun la los karik? Ema hotu hatene bola maibe bola mundu ida agora ne’e bola bisnis! Se SEJD hakarak lao ho ida ne’e, bele! mais SEJD tenki fo subsidi ba klubu para ema la bele utiliza karsis hodi nonton gratis, ne’e dunik nia mos husu ba SEJD ho komisaun badang liga para bele komvida klubu sira hodi fo opiniaun, tanba klubu mak joga laos SEJD ou badang liga,”esklarese Nia. 

Entertantu osan ne’ebé  FFTL hetan iha 2015 husi parte governu ho montante  (satu juta ital) kompostu husi orsamentu $. 700,000.00 inklui ratifikativu ba piala dunia $397,000.00, i konaba osan $ 350,000.00 la tama konta bankaria FFTL tanba sei iha SEJD nia liman, maibe ida ne’e sei iha prosesu hela i se sira komprende entaun osan ne’e aloka mai federasaun hodi ezekuta, tanba ida ne’e responsavel federasaun nian, tanba atas nama FFTL laos SEJD i konaba badang liga ne’e sira bele organija. 

Entertantu atual osan ne’ebé tama ona iha konta bankaria FFTL  hodi ezekuta,  mak permeiru $. 150,000.00,  segundu $. 117,000.00 ne’ebé agora federasaun prepara hela relatoriu hodi hatama  i seluk seidauk tama mai konta bankaria FFTL no atividade balun ne’ebé agora federasaun halao ne’e sei debe hela ba kompañia ne’ebé durante suplay tanba osan governu seidauk aloka hotu. (BT)