DÍLI----Akordu kompañia Chang beer ho klubu SLB to ohin loron seidauk realize tanba sei hein desizaun husi eis Primeiru Ministru Xanana Gusmão. “Ema nia komvite mai tia antes ona i lolos ne’e atu realiza iha dia (27 to 30) fulan ne’e maibe la bele realiza, tanba eis Primeiru Ministru Xanana Gusmão sei ba Amerika ho asuntu nasaun nian, ne’e dunik akordu ne’e sei adia  fali ba fulan oin, konaba data seidauk determina klaru, tanba sei hein  desizasaun husi maun bo’ot rasik,”imforma Vise Presidente FFTL Filomino Fernandes ba Jornalista BT wainhira hasoru malu iha edifisiu FFTL, segunda (07/09).

Nia hatutan, konaba akordu ne’e  buat hotu kompañia mak sei responsabel maibe kestaun  ne’e husi timor rasik mak sei dada tempu, tanba eis Primeiru Ministru nia tempu seidauk iha, ne’e dunik seidauk bele realiza iha fulan ne’e,”esplika Filomino. Filomino hatete, eis Primeiru Ministru nia hatete katak akordu ida ne’e interese pesoal ba klubu nian laos ba nasaun, maibe ida iha Amerika ne’e importante ba nasaun, ne’e dunik nia persija atende uluk ida ne’eba.

“To agora jogador sira iha klubu SLB rasik hein hela akordu ne’e maibe la bele halo buat ida, tanba desizaun hotu husi maun bo’ot nia liman, ne’e dunik ita perija hein, tanba ema bo’ot  ne’e servisu barak,  laos haree deit asuntu ida”dehan Vise Prezidente FFTL ne’e. Entertantu iha parte seluk Filomino mos kestiona kona-ba statutu ne’ebé regula iha Liga amadora ne’e rasik, ne’ebé hatete katak não nunka tivu la bele fo osan,  ne’e dunik ida ne’e sei sai dezafius ba ema ne’ebé atu imveste hodi harii klubu.

“Tanba osan sai deit i tama la iha? ne’e dunik ida ne’e sei sai dezafius bo’ot ba liga amadora ne’e, inklui klubu barak mak sei la bele partisipa tanba kestaun fitback la iha,”dehan nia. Tuir observasaun Jornalista BT katak statutu refere deriji husi senhor Filomino Fernandes ne’ebé kaer k’nar hanesan Presidente hodi regula statutu ba liga amadora, maibe nia rasik sei duvidas iha ba statutu refere. (BT)