DILI----Ekipa Sekretaria de Estado Joventude e Desportu (SEJD) sei halo mudansa ba dezenho BOQ tuir rekezitus FIFA nian liu husi AFC, tanba dezenho BOQ ne’ebé agora remata seidauk kompletu tuir kriteria ne’ebé hato’o husi AFC.

Direktur Desportu SEJD, João Rodrigues hatete, agora dadaun ekipa husi Sekretaria de Estado Joventude e Desportu (SEJD) halo hela prosesu ba mudansa dezenho BOQ hodi halo rehabilitasaun ba Stadion Munisipal Dili, tanba dezenho ida ne’ebé remata ona seidauk kompletu! ne’e dunik agora konsultan sei prepara sketsa iha loron hira nia laran, hodi imforma fali mai sira para bele halo prosesu dezenho BOQ ho lolos, tuir rekezitus ne’ebé hato’o husi FIFA liu husi AFC.

João hatutan, ekipa ne’e kompostu husi, Inpektur Geral, Direktur Desportu, Direktora Finansas SEJD, FFTL, inklui konsultan ne’ebé toma konta ba rehabilatasaun Stadion Munisipal Dili. Nia sublinha, rekezitus ne’ebé hato’o husi AFC , Governu foin kompete deit iha parte  blackboard/layar skring mak remata, maibe iha parte seluk seidauk remata tuir rekejitus ne’ebé hato’o husi FIFA  hanesan, ahi/lampu minimu tenki mill duzentus laks inklui sira seluk,”dehan João ba Jornalista BT iha edifisiu SEJD, tersa (21/04). 

João imforma, mudansa ba dezenho BOQ ne’ebé agora sira sei halo kompleta hodi  perense kriteiru AFC mak hanesan,  VIP Lons, iskada ba VIP no Jogador, sala VIP, odomatan ba adeptus, kakuluk  tribung inklui kadeira, haris fatin ba adeptus, kadeira ba ofisial no jogador, tribung weste no leste, entertantu iha posiblidade bele truka menara ne’ebé lampu tau ba, tanba ring la sufiente atu atende lampu ne’ebé barak ho kapasitas bo’ot. João hatutan, orsamentu ne’ebé prepara husi SEJD ho KAFI agora ho montante (seti sentus e kinentus mill dollar amerika), kompostu husi SEJD (duzentus sinkuenta mill) no KAFI (kinentus mill) hodi halo rehabilitasaun ba Stadion Munisipal Dili.

Entrtantu iha fatin hanesan Sekretaria Geral Federasaun Futebal Timor-Leste (FFTL) Amandio Sarmentu hatete, dezenho ne’ebé antes remata sei iha mudansa, tanba sei falta buat balun ne’ebé persija halo koreksaun hodi kompleta tuir rekezitus ne’ebé hato’o husi AFC,  ne’e dunik iha tempu badak konsultan husi SEJD sei halo remata dezenho BOQ hodi imforma fali ba Sekretaria de Estado, atu nune’e bele hato’o ba Konselhu Ministru inklui MOP para aloka orsamentu ne’ebé aprova ona hodi implementa rehabilitasaun ba Stadion Munisipal Dili, hodi sai hanesan “mini stadion”.

Amandio hatutan, agora sei iha problema mak konaba lampu tanba governu seidauk aprova orsamentu, i agora kompanha Philips ne’ebé hatama kotesion mai ho kapasidade lampu mill kuatru centus laks ne’ebé distribui husi German tuir standar FIFA, kuaze orsamentu ho montante (uma juta dollar amerika), ne’e dunik agora federasaun ho SEJD sei buka meus para konsulta ho kompanha Philips atu nune’e bele rejolve lampu  iha tempu badak.

“iha jogu segundu kualifikasaun kopa mundial ne’ebé Timor-Leste sei sai uma nain hodi jogu kontra nasaun UAE iha dia 16 fulan Junhu,  100% ita  sei ba realiza jogu home and way (kandang/kandang) iha ema nia k’nua, tanba ita la iha kondisaun! Hau nia esperansa mak jogu kontra Palestina iha fulan Outubru, se sira aslera hadia stadion ita bele realiza iha timor”imforma Sekretaria  Geral FFTL. (BT)