DILI----Relasiona ho dada undian ne’ebé realiza iha nasaun Malaysia dia (14/04) tuir orariu Timor-Leste sei jogu permeiru iha dia (16/06/15), hanesan uma nain iha eventu Internasional Kualifikasaun Kopa Mundial (KKM) ne’ebé Timor-Leste sei kontra nasaun Unidos Arabes Emirados (UAE), maibe to ohin loron rehabilitasaun Stadion Municipal Dili seidauk realiza.

Sekretaria Geral Federasaun Futebol Timor-Leste (FFTL), Amandio Sarmentu hatete, iha undian ne’e Timor-Leste tama iha group A kompostu husi nasaun, UAE, Saudi Arabia, Palestina, Timor-Leste no Malaysia, ne’ebé iha permeiru jogu Timor-Leste sei kontra UAE iha knua Stadion Municipal Dili (16/06/15), no jogu segundu Timor-Leste Vs Malaysia iha knua Malaysia nian, jogu terseiru Timor-leste Vs Palestina, jogu kuatru Timor-Leste Vs Saudi Arabia, entertantu iha orariu jogu kualifikasaun kopa mundial sei hahu iha dia (11/06/2015)  no remata iha dia (29/03/2016).

“Hau espera se momentu ne’e ita bele hetan ho ekipa ne’ebé kaman maibe depois de dada rifa hau senti todan ituan, tanba ita kona ho ekipa ne’ebé todan husi timur tenggah inklui Malaysia, maibe iha futebal buat hotu bele kontrariu, hau pesimis ho kondisaun infrastruktura Stadion nian tanba se ita la prepara ho diak, nasaun sira ne’e sei lakoi mai jogu iha Timor,” tenik Amandio ba Jornalista BT wainhira hasoru malu iha Stadion Municipal Dili, kinta (16/04). Nia dehan nia optimista se Stadion Timor nian diak tuir rekejitus ne’ebé FIFA deklara ona, tanba se jogu iha ne’e adeptus sira bele fo apoiu ba ekipa selesaun nasional  hodi fanun sira atu hatudu rejultadu ho diak, ne’e dunik se segundu kualifikasaun kopa mundial mak Timor la ultra pasa, tenki simu.

Amandio imforma, orsamentu ne’ebé Konselhu Administrativu Fundus Insfrastruktura (KAFI) aprova ho montante $500,000.00  hodi  rehabilitas ba fatin VIP, ne’e dunik orsamentu ne’e la to hodi prense kriteria ne’ebé FIFA kestiona, maibe se Governu hakarak atu hadia kondisaun stadion tuir rekejitus ne’ebé FIFA hato’o inklui kualidade diak persiza orsamentu ho montante  $. 6 ate 7 juta dollar milloens. Nia sublinha, FIFA nia tuntutan bo’ot  mak Lampu tanba nasaun sira ne’e hakarak jogu realiza iha kalan, ne’e dunik maizu menus Timor tenki iha rekejitus minimun hanesan fatin VIP ho Lampu, hodi nune’e bele garantia nasaun hirak ne’e bele hakarak mai jogu iha timor.

Entertantu iha fatin hanesan Sekretaria de Estado Joventude e Desportu (SEJD) Leovigildo da Costa Hornai hatete, dezenvolvimentu ne’e laos ohin halo ohin hotu kedas no halo dala ida remata kedan, ne’e lae? dezenvolvimentu ne’e faziada. Ne’e dunik nia fiar katak importante mak permeiru inisiu tenki halo buat ki’ik kuan ida, atu nune’e bele iha solusaun. “ La bele ansi persija kuidadu, podensia, matenek no tenki realistiku ho planu ida hodi bele rejolve tuir k’biit ne’ebé iha,”dehan Leo. Leo hatutan, halo rehabilitasaun neneik laos atu halakon kualidade no sustentablidade maibe neneik atu garantia kualidade no sustentablidade. Nia mos garantia katak sei la iha impaktu ba jogu segundu KKM, tanba SEJD debate ona ho federasaun hodi buka solusaun para bele hare’e buat hotu  bele lao ho diak. 

Tui nia governu liu husi SEJD sei la halo tuir FIFA nia preferensia, maibe preferensia ne’e tenki mai dunik husi federasaun hodi bele garantia kualidade, transparansia no kontablidade inklui tarzetu tuir planu dezenhu BOQ ne’ebé iha. Entertantu iha eventu Internasional segundu Kualifikasaun Kopa Mundial hamutuk  grupu 8 ho total  nasaun  40 ne’ebé kompostu husi, Emirados Arabes Unidos (UAE), Saudi Arabia, Palestina, Timor-Leste, Malaysia, Australia, Jordan, Tajikistan, Kyrgyzstan, Bangladesh, China, Qatar, Maldives, Bhutan, Hongkong, Iran, Oman, India, Turkmenistan, Guam, Japan, Syria, Afghanistan, Singapore, Cambodia, Iraq, Vietnam, Thailand, Indonesia, Chinese Taipe, Korea Republic, Kuwait, Lebanon, Myanmar, Laos, Uzbekistan,Bahrain, Philippines, DPR Korea, Yemen. (BT)