DILI----Ekipa Mascarinhas hari’i iha tinan 2006 ne’ebe maioria ekipa ne’e mai husi klubu Fc SLB, ne’ebe agora klubu ne’e rejulta jogador barak tama ba selesaun nasional jogador feto iha Timor-Leste. Treinador ekipa Mascarinhas (klubu SLB) Jope fernandes hatete, klubu ne’e hari’i husi Senhora Judit Fimentel Fernandes ho nia maridu  Vice Presidente FFTL ho objektivu hakarak dezenvolve desportu iha area feto Timor-Leste.

Nia hatutan, to’o ohin loron klubu ne’e rasik ho nia esforsu konsege hetan rejultadu positivu, tanba jogador sira iha interese atu treinu no jogu tanba sira mos hakarak dezenvolve desportu iha vida feto, ho talentu ne’ebe jogador Mascarinhas feto (SLB)  iha, konsege maioria rejulta piala barak no hetan kampionatu ba eventu feto ne’ebe halao iha Timor-Leste”hatete Treinador ne’e ba Jornalista BT wainhira partisipa jogu iha kampo FFTL, kinta (22/01).

Jope sublinha, klubu SLB Mascarinhas maske menus fasilidade ekipamentus maibe jogador sira nafatin iha espritu nasionalidade hakarak dezenvolve desportu  ho suporta moral husi Treinador inklui Inan-Aman ho komunidade balun,”hato’o Nia. Treinador imforma, durante klubu SLB jogu reprezenta Suku no loke turneiu Suku nunka hetan suporta husi parte autorieridade lokal, klubu ne’e rasik suporta rasik a’an hodi partisipa eventu maske lori’i Suku Mascarinhas nia naran.

“Maske ho agora dadaun ekipa jogador Mascarinhas (klubu SLB) sei iha defikuldade teknik no menus fasilidade mais hau espera katak ba oin ekipa Mascarinhas (SLB) sei forte hodi kompete ho diak”dehan treinador ne’e. Nia dehan, Wainhira partisipa kualker eventu kuandu jogador sai kampionatu no hetan top skor inklui milior jogador sira  senti kontenti mais babain deit tamba durante ne’e ekipa Mascarinhas (klubu SLB)  sempre hetan.

“hau husu ba governu inklui FFTL permeiru persija loke bebeik kompetisaun ba feto, segundu persija fo kapasitasaun ba  treinador sira, tanba futebol bele fo servisu ba ema, hodi nune jogador sira bele fokus ba jogu, se la fo servisu ita hotu hatene katak  feto timor principal permeiru mak tein (tama dapur), eskola para buka servisu se futebol la fo ha-han, permeiru tenki  futebol tau iha numeru um para jogador sira mos iha vontade atu jogu, se kompetisaun laiha hanesan deit tanba se turneiu ne’e hotu, hotu ona laiha buat ida lao ba oin rejuladu diak laiha, se ita hakarak kompete iha internasional ita tenki halo sa ida?,” esplika treinador ne’e.

“wainhira permeiru hau hanesan treinador mane ba hanorin jogador feto hau sempre hasoru defikuldade barak, tanba feto nia perkupasaun barak mais to ikus hau senti diak, tanba sira mos iha espritu talentu ne’ebe forti hakarak kompete iha area desportu, ne’e dunik hau senti orgulho tebes ba hau nia ekipa”hatete ho haksolok husi treinador ne’e. (BT)