Antonio Carlos de Araujo Secretario Jeral (FEKATIL)DILI-Federasaun Karate Timor-Leste (FEKATIL) prepara atleta karate nain rua iha Dili, no haruka atleta nain rua ba try-out iha Surabaya-Indonesia no mos partisipa iha eventu Bali-Open, Indonesia. Sekretariu Jeral FEKATIL Antonio Carlos de Araujo hatete katak, sira haruka atleta nain haat (4) inklui atleta nain rua ne’ebe atu partisipa Asea Games Korea ba try-out iha Surabaya-Indonesia hodi hetan esperensia no aumenta atleta nia koñesimentu ho diak.

Try-out ne’ebe halo iha Surabaya ne’e atu koko atleta karatedo sira nia kapasidade ho teknik ne’ebe durante sira hetan hodi koko ho atleta nasaun  seluk nian. “Se ema mak maka’as liu ita tenki buka aprende tan ho ema nia teknik ne’ebe iha, mais realidade  ita nia atleta karate nain haat hatudu rezultadu ne’ebe diak,” Carlos hatete. Antes atleta nain rua  atu partisipa  Asian Games Korea, sira mos partisipa iha eventu Bali-Open, Indonesia no hetan terseiru lugar. 

“Ne’e dunik hau fiar katak atleta sira sei hatudu prestasaun diak iha Asian Games Korea,” dehan Antonio ba Jornalista BT iha edifsiu jinasiu GMT segunda (08/09). Nia espelika, atleta nain haat partisipa iha eventu Bali-Open, atleta feto nain rua, ida  hetan segundu lugar, ida seluk terseiru lugar no mane nain rua ne’ebe atu partisipa Asian Games Korea hetan terseiru lugar. Atleta feto nain rua ne’ebe partisipa iha eventu Bali-Open ne’e atu prepara sira ba tuir SEA Games iha Palembang-Indonesia fulan Dezembro tinan ne’e,”deha Antonio.

Antonio imforma, atleta feto hetan segundu lugar ho naran, Noviana Dias Marques, no terseiru lugar Amelia Verdial, Jaime Godinho Soares,  ho Teodoro Saturlinho Coelho. Atleta sira nia klase, Noviana Dias Marques joga ho klase plus 61, Amelia Verdial joga ho klase min 55, Jaime Godinho Soares joga ho klase min 55, Teodoro Saturlinho Coelho joga ho klase min 60. (BT)