COVALIMA----Administrador Postu Administrativu Suai, Luizinho do Rego, hatete Programa Mão de Obra (PMOPA), ne’e diak tanba fo duni benefisiu ba povu duni.
"Ha’u nia hanoin progrqma ida ne’e duak tanba fo vantazen ba ita nia komunidade sira oinsa maka sira bele hetan netik $5 ida, tanba ita hatene katak governu kria kampu traballu ba ninia komunidade,” informa APA Suai Luizinho do Rego ba jornalista iha nia knar fatin, Segunda (08/05).
Nia afirma, Ekonomikamente fo duni benefisiu ba komunidade maka hanesan ne’e ema hotu-hotu, difisiente, tantu feto no mane bele hola parte iha serbisu ne'ebe implementa iha aldeia, suku, ida ne’e ninia benefisiu ba komunidade duni. "Hare’e ba ninia sustentabilidade rezultadu ema hotu hatene, tanba buat ida limpeza ne’e laos projetu, se projetu karik ita halo projetu ida nia prosesu sustentabilidade ne’e nia rezultadu ita bele uza to’o tinan 4 ou 5, maibe ida ne'e ninia rezultadu provizoriu" nia dehan.
Adiministrador Postu ne’e mos dehan liu husi programa PMOPA ne’e kuda mos ai oan ba iha bee matan sira ne'ebe presija halo protesaun iha Suku Debos nian iha Aldeia Lokeu Foho no mos iha suku sira seluk mos hanesan iha Suku Labarai, iha Aldeia Bonuk kuda ai oan hodi proteje bee matan. (BT)
