DÍLI----Ministeriu Agrikultura no Peskas (MAP) halo sorumotu nasional ba parte interesada sira atu konslida hanoin ba dezemvolvimentu parke ba paz transfronteira entre Timor Leste ho Indonesia.
Tuir Director Jerál MAP Acacio Guterres hatete, Halo komsultasau iha inisiativa ida atu estavelese ba parte marina nasional no dame ninian entre Indonesia ho Timor Leste.
“Konvida ita nia komunidade sira komesa husi parte norte hanesan Bobonaro, Likisa, Díli, Atauro, Baucau, Manututu no Lospalos para mai tuur hamutuk fó hanoin ruma ka ideia ruma para bele dezemvolve ita nia nia hanoin di'ak liu tan nune'e dokomentu ne'ebe ita lori ba atu halo mediasaun ho parte Indonesia ninian,” Dehan Director Jerál MAP ba jornalista iha Timor Plaza Suai Room, Quarta-Feira (03/05).
Nia hatutan, Agora dadaun sira halo programa ka planu ne'e depois sei lori ba nasaun Indonesia hodi tur hamutuk tau hamutuk ideia, konserteja iha osan para implementa ba futuru liu-liu iha parte norte Timor Leste.
Nia haktuir, Osan seida’uk determina agora sei ko’alia ba programa, depois ba futuru mak sira koalia kona-ba orsamentu para tau osan hodi nune'e implementa area ne'ebé mak atu halo observasaun.
Iha Fatin hanesan Partisipante no Dosente Universidade Nasional Timor Lorosa’e (UNTL), Mario Marques Cabral aumenta, UNTL hetan konvite atu mai partisipa iha atividade ida ne'e hodi nune'e bele mai rona objetivu iha semináriu ohin loron nian.
“Maibe ha'u hanesan Reprezentante UNTL Departamentu Peskas Siensia Marinha nomos hanesan Dosente, ne'ebe orsada sai hanesan fasilitator ba grupu Kona-ba dezafiu saida maka durante liga ba dadus informasaun ne'ebe maka ita iha atu nune'e bele suporta ba transkripsaun ba estabelese iha ne'e,”
Enkuantu Papel husi Universidade ninian iha sentru rua maka liga ba kosteira integrada bele fo treinamentu ba hotu-hotu liga ho tasi i durante ne'e mos servisu hamutuk ho entidade seluk oinsa hetan lukru liu-liu estudante sira hakarak ba tadi, ida ne'e maka importante tanba ne’e maka atividade ida ne'e mos senti importante ba futuru. (BT)
