DĺLI----Metropolitana Díli liu husi sua Eminénsia Virgílio Kardeál do Carmo da Silva SDB, anunsiu ba públiku kona-ba Bispo foun eleitu Dioseze Baucau ne’ebe maka nomea husi Papa Francisco iha Roma.
Tuir sua Eminénsia Virgílio Kardeál do Carmo da Silva SDB katak, iha karta ida ne’e Papa Francisco Agradese ba Padre Leandro Maria Alves ne’ebe ho disponibilidade tomak atu servi Dioseze Baucau, tanbá ne’e maka atu informa katak hafoin makotban Dom Basílio do Nacimento husik iis iha loron 30 fulan Outubru tinan 2021 nune’e iha loron 4 fulan Novembru tinan 2021 koléjiu konsultores Diosezanu hili Padre Alipio Pinto Gusmão sai nu’udar Administradór Dioseze Baucau to’o ohin loron.
“Avaliasaun konsellu kuria nian ne’e intense no seletivu bainhira Bispo iha dioseze ida idade reforma ka mate, ikus mai hamosu trono vaga tanba regra uma kreda nia hatu’ur katak Bispo bele husu rejignasaun bainhira idade tama ona ba 75, tanba ne’e prosesu iha fulan Janeiru tinan 2021 no husi ida ne’e nunsiatura maka hala’o prosesu ne’e tomak, nune’e nunsiatura husu ba ema lubuk ida ne’ebe maka nunsiatura konfia Bispo sira Nai lulik sira inklui mos sarani sira ne’ebe maka nunsiatura konfia husu atua aprezenta kandidatu,” hatete Eminénsia Kardeál Virgílio do Carmo da Silva SDB ba jornalista sira iha Salaun Diosezanu Lecidere, Dili, Kuarta (26/04).
Nia hatutan, Tanba ne’e maka Dioseze sira iha Timor-Leste aprezenta tiha naran kandidatura Bispo sira nian ba Vatikanu liuhusi nunsiatura apostolika iha Dili, bainhira Vatikanu simu ona naran hirak ne’e Papa ho nia ekipa espesial inklui nunsiu rasik sei tuir atu halo avaliasaun hodi deside husi naran ida ne’ebe maka merese atu sai Bispo tanba ne’e maka ohin loron fo sai ona katak Padre Leando Maria Alves maka eleitu nu’udar Bispo Dioseze Baucau hodi serbi sarani tomak.
Iha fatin hanesan Bispo eleitu Dioseze Baucau Padre Leandro Maria Alves Aumenta, Primeiru hamtuk ho sarani tomak agradese ba Nai maromak ba grasa vokasaun ninian ne’ebe maka maromak fo mai.
“Iha evanjellu ohin dadeer nian ha’u hanoin monu tebes-tebes ba ita iha momentu ida ne’e Nai maromak haruka nia oan mane mai atu ida de’it mos labele lakon, tanba ne’e maka ita sira ne’e hotu ita nia nai Jesus kristu mos bolu ita haruka ita atu bele kontinua misaun ida ne’e hodi hala’o maromak nia hakarak ida ne’e atu lori ema hotu hotu fila fali ba nai maromak, hakarak agradese mos ba igreja universal liu-liu ba amo papa Fransisco ne’ebe maka tau konfiansa ka nomeia ha’u ba Dioseze Baucau ninian,” katak nia.
Nia haktuir, Tuir mai hakarak agradese ba Amu Kardeál no Bispo Sira nomos ba kleru sira hotu iha Dioseze tolu ne’e I nomos ba sarani sira hotu ne’ebe maka durante ne’e liu husi hotu-hotu nia orasaun no reza hubu Nai maromak atu hato’o mai katak saida maka Nai maroma hakarak.
“Ita sira ne’e hein atu hatán de’it hanesan Maria dehan atan ha’u mak ne’e pronto tuir ita bo’ot nia lia ba, tan ne’e maka maka atan ha’u dehan agradese ba hotu-hotu ba sarani sira hotu hahú kedas husi kleru sira hotu husi amu Bispo Kardeál nomos ba sarani sira iha dioseze tolu ne’e durante ita reza hamutuk. Ita kontinua husu ba nai maromak atu bele akompana nafatin ha’u no mos husu ba ita bo’ot sira hotu nafatin halo orasaun ba knaar ida ne’e tanba ida ne’e la’os onra ida maibe ida ne’e serbisu ida atu servi ita nia Nai jesus Kristu hamutuk ho sarani sira iha Dioseze Baucau ,” nia agradese.
Entretanta kurríkulu Vitae ka Profile Bispo Eleitu Dioseze Baucau mak hanesan tuir mai ne’e:
Naran Kompletu: Leandro Maria Alves
Fatin no data moris: Ermera, 10-05-1974
Estudos
Iha tinan1990-1993: SMAK Santo Yoseph, Dili
1993-1994: Ano Propedêutico
1994-1995: Ano Espiritualidade São João Maria Vianey-Dare.
1995-1998: Faculdade Filosofia e Teologia da Universidade Católica. Widya Mandala-Kupang, Indonésia.
1999-2001: Ano Pastoral no Seminário menor de Balide
2001-2004: Estudo de Teologia no Instituto Superior de São Alberto Magno Évora-Faculdade de Teologia da Universidade Católica Portuguesa.
2014-2017: Licenciado da Teologia Dogmática na Universidade pontifícia Urbaniana-Roma.
ORDEM SACRA
2004-2005: Pastoral iha Paróquia Turiscai
2005: Ordenação Diaconal
2006: Ordenação Sacerdotal (8 de Desembro)
SERVIÇOS
200-2007: Vigário Paroquial se Catedral-Dili
2008-2011: Perfeito disciplina iha Seminário maior São Pedro e Sao Paulo Fatumeta, Dili.
2009-2014: Diretor da Fundação São Paulo da Diocese de Dili
2009-2014: Diretor executivo da CONECTIL
2010-2012: Secretario do Cenchelo Presbiteral da Diocese de Dili
2011-2014: Reitor da Seminário Menor da Nossa Senhora de Fátima-Dili
2011-2014: Diretor da Escola Secundária Católica Nossa Senhora de Fátima-Balide
2017-2018: Vigário Paroquial da Paróquia Catedral de Dili
2018-2023: Secretário Executivo da Conferência Episcopal Timorense (CET)
2023: Paroco da Paróquia de Catedral, Dili.
Iha loron 26-04-2023: Nomeado nudar Bispo da Diocese de Baucau husi Amo Papa Francisco I. (BT)
