DÍLI----Ministru Presidensia Konsellu Ministru (MPKM) Fidelis Manuel Leite Maglhães, Hatete, Governu liu husi reuniaun Konsellu Ministru deside la propoin renovasaun estadu Emerjensia ne’ebé mak sei termina iha loron 28 fulan ne’e.

“La propoin renovasaun estadu emerjénsia, ne’ebé sei termina iha loron 28 fulan-novembru tuir mai, Aprova projetu Dekretu-Lei kona-ba medida ezesionál no temporária vijilánsia sanitária nian ba resposta pandemia COVID-19,” Hateten Ministru Presidensia Komsellu Ministru(MPKM) Fidelis Manuel Leite Manglhães ba Jornalista sira iha salaun PCM, Palásio, kuarta (24/11)

Porta-voz Informa, Hafoin análize ba pontu situasaun epidemiolójika nasionál, ne’ebé aprezenta husi koordenadór sira Sala Situasaun Sentru Integradu Jestaun Krize nian (SIJK) no haree ba promulgasaun foin lalais kona-ba alterasaun dahuluk Lei nú. 10/2004, Lei Sistema Saúde, deside, Kompara ho medida vijente sira no diploma mantein parte boot husi medida imposta no rejista alterasaun balun, hanesan bainhira tama mai territóriu nasionál la presiza hetan autorizasaun husi Primeiru-Ministru, maibé tenke sujeita nafatin ba kontrolu sanitáriu no hatudu rezultadu negativu teste SARS-CoV-2 nian.

Nia Afirma, Lisensa, autoridade no aktu administrativu sira seluk no dokumentu sira mantein válidu to’o loron 31 fulan-janeiru tinan 2021, bainhira prazu la fiksa tuir akordu internasionál la tuir lei ne’ebé Parlamentu Nasionál aprova tuir rezerva kompeténsia absoluta, Nafatin halo izolamentu profilátiku obrigatóriu iha termu sira ne’ebé define antes ona. (BT)