DILI----Eskola Bazika Filial Nu-02 Bebonuk, localiza iha Suku Comoro, Postu Administrativu Dom Aleixo, Munsipiu Dili menus fasilidade sala de aula, meza no kadeira balun tohar ona nomos plafon komesa naksobu ona, estudante tempu udan la eskola.

Tuir Koordenador Eskola Bazika Filial N°02 Bebonuk, Tomas da Conceicao Soares, Hatete, Eskola Bazika Filial N°02 Bebonuk dadaun iha ona faze preparasa tanba eskola tama tiha ona kategoria ba rehabilitasaun no asina kontraktu hotu ona soke izame ne'e mak impede seidauk hetan rehabilitasaun.

“Ami asina kontraktu hotu ona ba andar ne'e troka leten ne'e, plafon ami atu troka ida ne'e mais komu izame mak fadigadu uituan, ami sei izame hela, buat hotu-hotu ami asina kontraktu hotu ona maibe sei paradu hela tanba izame ne'e mak sei paradu hela,” Hateten Koordenador Eskola Bazika Filial N°02 Bebonuk Tomas da Conceicao Soares ba jornalista BT iha Nia knaar fatin bebobuk, Kuarta (24/11).

Nia Hatutan, Fasilidade Eskola iha pandemia ne'e la'o para, kadeira sira mos barak mak tohar no meja mos barak mak tohar ate agora seidauk hadia. Agora periodu ida ne'e mak edukasaun bolu ona estrutura perioridade andar ne'e mak atu hadia leten ne'e, plafon sira ne'e sobu lantai ne'e mos sobu tau fali keramik, redi sira ne'e mos troka hotu tan ida ne'e mak ami sei hein kona-ba andar ne'e deit.

Eskola dadan ne’e iha sala de aula 9 hamtuk ho sala biblioteke nian ne’e maka-10 maibe dadaun eskola biblioteka ida ne’e ai sira dodok hotu ona entaun ami uja ba sala 9 deit.

Kordenador dehan, Eskola Bazika Filial N°02 Bebonuk ho total estudante hamutuk 1.125, estudante feto hamutuk 494 no estudantes mane hamutuk 573 no alunus ne'ebe tinan Ida ne'e primeiru anu atu matrikula ne'e simu 150 alunus deit tanba sala la to'o,no fasilidade sira atu hadia Haris Fatin feto/Mane nian atu hadia hotu hamutuk ho Ida ne'e sala neen, haris Fatin rua.

“Iha ami-nia BOQ ne'e ami hare sala 6 no haris fatin rua ida ne'e mak agora atu hadia maibe agora husik hela kuandu udan ona ne'e alunus sira andar leten ne'e sira sai tanba be'e ne'e to'o ain tur ne'e komesa husi 2012 to'o agora ne'e ladiak iha leten sira ne'e kuak hotu ona iha sala laran mak aat liu,” Esplika nia.

Nia Afirma, Eskola agora sala sira ne'e fahe ba iha turnu tolu, primeiru ano, segundu ano , terseiru ano sira tama 7:45 sai eskola 10:20, segundu turnu terseiru klase mak tama fali sai 12:30 hamutuk ho 6°ano sai dala ida deit, terseiru turnu, kuartu ano ho kintu ano sai 5:30.

“Ami halo paralelu tun sae mos la to'o entaun primeiru no segundu ano oras rua deit tanba sala mak la to'o, se sira tuir oras haat hotu ne'e to'o kalan mak foin sai tanba ida ne'e mak ami paralelu maske ami nia alunus ne'e juntante ba 1.125 maibe ami halo rotativa halo paralelu tiha para to'o ikus mak klas 1,2 ne'e oras rua deit tanba ami-nia infraestrutura mak nakonu ho ida ne'e,” Salienta nia.

Agora eskola mos probelama uitoan tanba estudantes balun ezame ona Inan-aman foin hakfodak lori mai, ohin dadersan reseptor mai ha’u (Kordenador) dehan bain bain eskola lapangan ne'e forma oituan deit agora izame ona ne'e forma nakonu.

Nune’e, Kona ba regulamentu inan-aman mai ezize foin mak halo ami sei fo ba direktur sentru sei aprova konsellu despaisu aprova le'e didiak mai mak ami halo,maximu tau naran regulamentu sei fahe ba inan aman hotu para sira bele hare regulamentu tanba atu halo regulamentu ne'e mak ami kuaze mais seidauk pidato hakerek ida fo ba ina aman para hale labarik sira labele falta ida ne'e mak ami atu halo.

Enkuantu, Obserasaun Jornalista Business Timor nota katak eskola EBF N°02 Bebonuk ho kondisaun ladiak no Fatin ne'ebe la sufisiente ba Professor no estudantes Sira, tanba iha plafon ne'ebe kuak no dodok hotu ona kuadu udan fo impaktu ba estudante sira aprede ladiak tanba udan Been ne'ebe tun, no meza kadeira balun ne'ebe Agora dadaun Aat no Tohar ona. (BT)