DÍLI----Komité Diretivus Nasionál ne’ebe mak kompostu husi Governu liuhusi Sekretária Estadu ba Igualdade no Inkluzaun (SEII), Maria José da Fonseca Monteiro de Jesus hamutuk ho Rezidente Koordenadór ONU iha Timor-Leste, Roy Trivedy, Embaixadór Uniaun Europeia (UE) iha Timor-Leste, Andrew Jacobs no reprezentante sira hosi sosiedade sivíl hasoru malu liuhosi sorumutu Komité Diretivus hodi refleta rezultadu sira hosi inisiativa spotlight, iha Otél Novu Turizmu.

Objetivu hosi sorumutu Komité Diretivus inisiativa spotlight ne’e hodi oinsa haree progresu sira no diskute asaun sira iha futuru hodi responde ba violénsia hasoru feto no labarik feto sira-ne’ebé aumenta iha tempu rekuperasaun hosi pandemia COVID-19.

Tuir Sekretária Estadu ba Igualdade no Inkluzaun (SEII), Maria José da Fonseca Monteiro de Jesus, hatete, Sorumutuk ida-ne’e realiza hodi haree fila fali saida mak parte hotu halo ona iha tinan ida nia-laran liuhosi programa inisiativa spotlight atu hakotu violénsia hasoru feto no labarik-feto.

“Ita hotu fiar katak laiha ema ida iha Timor-Leste mak merese atu sai vítima ba violénsia saida de’it, nune’e ita kontinua halibur hodi buka dalan oioin atu haree oinsá mak ho esforsu koletivu ita bele hamenus, ita bele hakotu violénsia hasoru feto no labarik-feto, labarik-mane, maluk portadora defisiénsia, maluk sira hosi komunidade LGBTQI no ema hotu ne’ebé durante vulnerável tebes ba violénsia,” Hateten Sekretária Estadu ba Igualdade no Inkluzaun (SEII), Maria José da Fonseca Monteiro de Jesus liuhusi Diskursu, Iha Hotel Novu Turizmu, Tersa (23/11)

Nia hatutan, SEII espera ho kompromisu ne’ebé iha hakarak hakotu violénsia hasoru komponente sira iha Timor Leste tanba ne’e ohin Komité Diretivus Nasionál hala’o sorumutu hodi oinsa halo diskusaun liutan ba serbisu adisionál sira ne’ebe bele fó dunik protesaun ba maluk sira-ne’ebé vulnerável tebes.

“Ho kompromisu ne’ebé iha, ita hakarak hakotu violénsia hasoru komponente sira, ohin ita hateten tanba ne’e mak ita nafatin hamutuk no ita presiza halo serbisu adisionál, ita presiza halo serbisu barak liután atu asegura katak liuhosi knaar hotu ne’ebé ita halo bele fó dunik protesaun ba maluk sira-ne’ebé vulnerável tebes, bele fó dunik atendimentu ida-ne’ebé mak sira merese hetan atu nune’e timoroan hotu goza dunik sira-nia moris hanesan timoroan,” Dehan Sekretária Estadu, Maria José da Fonseca de Jesus.

Enkuantu, Embaixadór UE, Andrew Jacobs, hatutan, Insiativa spotlight, ne’ebé hahú ona iha fulan Janeiru tinan 2020 no ne’ebé finansia hosi UE, iha kontribuisaun boot ba prevene no responde ba violénsia hasoru feto no labarik-feto. Feto no labarik-feto liu 351,000, ka 21% hosi totál populasaun Timor-Leste, mak benefísia direta hosi programa ne’e iha tinan rua ikus, ema liu 700,000 ne’ebé mós asesu ona liuhosi média sosiál.

Diplomata ne’e dehan, Inisiativa Spotlight aliña ho Planu Asaun Nasionál Violénsia Bazeia ba Jéneru (PAN-VBJ) no apoiu implementasaun hosi PAN-VBJ iha nivel nasionál no municipal tanba Sekretaria Estadu ba Igualdade no Inkluzaun hanesan parseiru xave hosi Governu no lidera hamutuk Komité Diretivu Nasionál ida-ne’e.

“Hakotu violénsia kontra feto no labarik-feto maka prioridade ida ba Uniaun Europeia, tantu iha Europa no mundu tomak. Violénsia bazeia ba jéneru krime ida. Ida-ne'e forma brutál hosi diskriminasaun no violasaun ba feto sira nian direitu fundamentál sira. Iha Timor-Leste, violénsia hanesan problema boot ida, no ami kontente atu serbisu hamutuk ho Governu no sosiedade sivíl hodi ajuda halakon violénsia ne'e” Deklara Embaixadór UE, Andrew Jacobs.

Nune’e, Koordenadór ONU, RoyTrivedy, Hatutan liutan, Iha Timor-Leste, programa Inisiativa Spotlight implementa hosi ajénsia ONU lima (ILO, PNUD, UNFPA, UNICEF no UN Women) iha kolaborasaun ho parseiru sosiedade sivíl no Governu liuhosi apoiu tékniku no finansiál. Programa ne’e daudaun apoiu hela projetu sosiedade sivíl hamutuk 22 reprezenta hosi organizasaun parseiru 33 iha nivel nasionál no lokál iha munisípiu (Bobonaro, Ermera no Viqueque). Iha faze dahuluk, Spotlight sei gasta milaun $4 Dollar Amerikanu liuhosi parseiru implementasaun.

“Feto no labarik-feto iha Timor-Leste iha risku ne’ebé boot hosi rezultadu pandemia COVID-19 no inundasaun foin lalais kauza hosi Siklone Seroja, halo sira vulnerável liután. Ami orgullu serbisu hirak-ne’ebé halo ona hosi Governu, ajénsia ONU, Organizasaun Sosiedade Sivíl no média durante tinan rua ba kotuk hosi Inisiativa Spotlight. Maske iha tempu difisil, programa ne’e benefísia feto, labarik-feto, labarik-mane, mane no grupu minoridade barak ho informasaun, formasaun no serbisu sira,” Afirma, Rezidente Koordenadór ONU, RoyTrivedy.

Kordenador ONU relata, ONU iha Timor-Leste sei kontinua serbisu ho komunidade, Governu no parseiru sira atu elimina violénsia oioin hasoru feto no labarik-feto no asegura katak ema hotu seguru, hetan apoiu di’ak no direitu fundamentál ema nia atu hetan protesaun ho efetividade

Iha sorin seluk, Offisial Peskiza, Maria Fatima Sara dos Reis Afonso, Haktuir, Ohin apresentasaun kona- ba deskobrementu hetan husi peskisa kobertura area ne'ebe spotlight inisiativa ninia iha Munisipiu Tolu, Bobonaro, Ermera no Viqueque, nune’e peskisa ida ne'e hala'o uza Metodolojia rua primeiru intervista ho parseiru sira servisu ka asistensia sira nomos diskusaun hamutuk ho feto iha komunidade tanba total ba intervista ne'e hamutuk 40, parseiru tantu husi Governu nomos sosiedade sivil.

“Husi intervista ne'e hamutuk-40 ba feto hamutuk 20 ba mane hamutuk 20 maibe diskusaun grupu ne'ebe hamutuk ho komunidade sira hamutuk 224 ne'e kada Munisipiu Tolu ne'ebe hau temi ona, Munisipiu ida Ami ba iha suku rua hanesan iha Bobonaro iha suku Saburai, Balibo suku leohitu ,depois Viqueque mos hanesan iha postu rua, postu Viqueque no mos postu Uatukarbau, iha suku Avaloi tay, no mos suku Luka, iha Ermera, postu Letefoho, postu Ermera, suku poetete no suku katrailete,” Haktuir Offisial Peskiza, Maria Fatima Sara dos Reis Afonso.

Nia dehan tan, Partisipante sira ne'e mos ami fahe baseia ba idade, 18 ano to 30 grupu ida husi 31 to 40 grupu ida no husi 41 to 50 grupu ida, ne'ebe total FDJ ne'e hamutuk 22 inklui maluk NCVTAI Sira Maluk difisiensia husi peskisa ne'ebe hala'o iha diskusaun grupu deskobre ohin hau espilika ona, feto Maluk sira prefere resolve problema violensia domestika tenki tuir dalan Tradisional.

Nia hatutan, Razaun mak ne'e sira hatete sei ita prosesu lekal ba iha kota ka iha ketsematan se mak hare sira nia oan osan la iha tan hein de'it mos osan no mos animal sira husi hela iha uma ne'e sira hakiak manu ,Fahi ,depois sira nia oan mos sei ki'ik atu rai hela ba se, rasaun ida ne'e mak sira dehan resolve tuir lei tradisional no mos rasaun ida mak sira dehan prosesu lekal ne'e kleur dala ruma sira la hetan resultadu hanesan hena ka sasan balu resolve tuir Tradisional sira hetan lailais.

“Ami identifika feto deit la identifika vitima sira tanba ne'e ema nia privasidade ita kuidadu mos ema mai partisipa iha peskisa ne'e maka nia lakoi ko'alia ka nia sente la seguru ita nia karakter ba ida ne'e, se karik sira uza sira nia esperensia rasik Ami mos ho Karta konsentimentu ho sira, sira hakiak hatene Ami mos limite tempu, mais fo tempu ba sira seluk hatene sira nia informasaun,” Relata nia.

Mais iha prosesu peskisa iha balun mos hato'o sira nia esperensia rasik hetan violensia depois prosesu kasu too Tribunal resultadu to agora laiha. Resultadu desizaun hanesan prosesu legal ne'e hanesan iha Asolikai iha vitima ida too agora resultadu laiha vitima ida hato'o ninia esperensia no mos suku saburai Ermera poetete, ne'e sira hato'o maibe Ami habadak tia atu nune'e fo opurtunidade ba ema seluk maibe Ami agradese tanba sira fahe sira nia esperensia.

Violensia bases ba jeneru iha tipu ha'at psikoloJia, Economia, Fisiku, Violensaun domestiku hau atu temi numeru ne'e Ami nia numeru peskisa ne'e kualitativu la'os kuantitativu ita bot sira koinese violensia ne'e saida, sira hotu hato'o baku Tebe Tuku,” Nia hakotu. (BT)