DÍLI----Sekretariu Estadu Joventude no Desportu (SEJD), Reprezenta liuhusi Diretor Geral Kooperativa (DGK), João dos Santos, hala’o abertura ba Formasaun Training Of Trainer (TOT) kona ba Edukasaun Saudavel (Relasaun Saúdavel no Saúde Reprodutiva) ba Joventude na’in-40 hodi oinsa fila ba munisipiu hodi haklaken ba foin sa’e sira iha munisipiu ida-idak atu bele kuinese liutan kona ba edukasaun saúdavel.

“Ha’u hanoin primeiru lugar formasaun ida ne’e nia objetivu atu fo konesementu ba ita-nia foinsae sira no prepara foin sae sira liliu sira nain-40 ne’ebé mak agora iha ne’e prepara sira para sira bele hatutan fali ba iha munisipiu ida-idak, tanba modul ne’ebé mak prepara liliu modul edukasaun saúdavel ne’e iha laran ne’e iha materia lubuk ida mak iha laran sira tenki intende didiak iha konesementu ida ne’e, tanba sira ba fali munisipiu ne’e sai formador ba munisipiu ida-idak,” Hatete Reprezenta Sekretariu Estadu Joventude no Desportu (SEJD),liu husi Diretor jeral koperativa João dos Santos ba jornalista sira iha salaun ETDA Díli, Segunda (22/11).

Nia hatutan, Joven na’in-40 ne’e tuir formasaun durante loron-6 depois aumenta tan loron-3 ba ba TOT nian sira komprende para sira fila-fali hodi implementa ba formasaun ne’e ba iha munsipiu ida-idak.

“Ha’u hanoin materia iha modul ne’e edukasaun, saúde reprodutiva iha laran ne’e kuaze abilidade moris ida saúdavel nian, edukasaun sexual para atu fo ba ita nia foin sae sira iha laran, tanba hanesan ohin hatete katak foin sae lubuk ida ne’ebé mak la iha konesementu entaun sir abele ansi kaben sedu nomos laos nia hakarak laos nia planu maibé tanba asidente ruma, entaun buat ne’e akontese,”Dehan nia.

Nia informa, Dalabarak joven foin sae sira la iha konesementu diak kona ba ida ne’e entaun lao tiha ona no akontese tiha ona mak arepende maibé liu tiha ona, entaun nia labele fila fali ba ida ne’e, tanba ne’e mak dalabarak ita rona dehan ema soe bebe iha ne’eba iha ne’ebe deit, tanba nia sedauk preparadu atu simu sai inan ba bebe ne’e.

Agora ho ida ne’e governu deteta ona iha buat lubuk ida para oinsa atu bele prepara liliu fo informasaun ba ita nia foin sae sira, para foin sae sira laos 100% la tuir ida ne’e, maibé evita buat sira kaben sedu, evita relasaun sexual ne’ebé mak sedauk preparadu atu halo it abele hatoo informasaun sira ne’e para nia efeitu sira atu mosu ne’e labele kona fali ba sira.

Nia relata, Munisipiu 11 inklui RAEOA nomos ONG-5 mak sira partisipa hotu iha ne’e mak hamutun nain-40 infelismente Manatutu mak la tuir no la iha reprezenta iha ne’e, dadus husi MS sira hatoo kuaze 26% ne’e ita nia foin sae sira liliu foin sae feto 26% saduk iha konesementu diak.

Nia relata, Kona ba orsamentu iha ne’e Mil $18.338.00 ba ida ne’e no barak liu gasta ba aluga fatin ida ne’e ho han meudia, snak maibé sira ida-idak hela iha nia uma mak mai tuir formasaun no formasaun ne’e apoiu husi UNFPA ne’e sira formador husi sira ho material balu, maibé orsamentu ohin mil $18.338.00 ital ne’e husi ita nia governu SEJD nian mak hodi suporta,” Dehan João

Iha sorin seluk, Formandu husi formasaun Comoro Child & Youth Center (Ccyc), Juliana Pinto ho idade-29, Hatutan tan, Iha hanoin uitan kona ba saude reprodutiva, tanba ita nu’udar joven ida saude reprodutiva ne’e importante ba ita tanba agora maioriamente joven ne’ebé idade kiik isin rua sedu.

“Ami hakarak atu tuir formasaun kona ba TOT ida ne’e oinsa atu halo prevensaun ba joventude ka foin sae ne’ebé afeita hela ba isin rua sedu no saude reprodutiva nian, ida ne’e mak sai ha’u nia espektativa no meta ne’ebé ha’u hakarak atu hili no ha’u hakarak atu tuir treinamentu ida ne’e laos atu aprende deit maibé ida ne’e depois treinamentu sei aplika iha terenu hodi fasilita komunidade iha baze signifika formasaun para sai hanesan formadores iha komunidade sira nia let,” Afirma nia. (BT)