DÍLI----Pandemia global ne’ebe mak la’o haleu mundu inklui Timor Leste hodi aperta negosiante sira ne’ebe faan sasán iha treiminal tasi-tolu, merkadu taibesi nomos merkadu halo produto lokal sira sai folin laiha tanba menus komprador atu sosa.

Tuir Negosiante Isabel da Costa, hatete, Durante faan sasan produto lokal iha terminal tasi-tolu ladún folin tanba menus husi komprador sira ne'ebé sosa sasán, iha loron tomak bele hetan deit U$D15-U$D25 tanba afeita husi pandemia COVID-19.

“Fa'an sasán ne'e komesa husi dader to'o kalan hetan osan $15, selae to'o deit $25 dolar, osan sira ne'e balu sosa hahan uma laran nian ka ba necesidade lor-loron nian no balun uza selu labarik sira nia eskola nomós seluk tan,” Hateten Negosiante Isabel da Costa ba Jornalista BT iha Teriminal Tasi Tolu, Segunda (15/11).

Nia dehan, Durante faan sasan iha terminal Tasi-Tolu, hola tutan husi merkadu Taibesi, hanesan hola sasan sira ne’e uza osan $50 ka to'o $75 dólar hodi sosa fali modo mutin, tomate, kangko, ai-manas, no modo seluk tan maibe hola sasán sira ne'e folin la hanesan, tomate kuncimas-1 ho folin $10 dolar, modo mutin futun boot ida $5 dólar, kangko futun boot ida $3 dólar no ai-manas ember ida $3.50 sentavus.

Depois de hola husi merkadu Taibesi, lori sasán sira ne'e mai fa'an tutan fali hanesan tomate bikan ki'ik ida ho folin sentavu $0.50, modo mutin futun kiik ida sentavu $0.50, kangkung futun kiik ida sentavu $0.25 centavus, aimanas bikan ida sentavu $0.50, maibe sasán sira ne'e ema ladún hola, loron ida ka rua sasán sira ne'e sai dodok hotu, tanba menus husi komprador Sira.

Enkuantu, Negosiante Angelina pinto, hatutan, hahú halo negosiu ka faan nasi bungkus hetan kreditu husi ONG Kaebauk no durante iha pandemia nia laran ema ladun sosa, sente triste maibe nafatin faan hodi sustenta necesidade uma laran no selu labarik sira-nia eskola. “Antes ha’u loke negosio ne'e hau halo kreditu iha kaebauk, hau nia negosio ne'e hau faan deit nasi bungkus, atu hodi bele sustenta uma laran, selu labarik sira eskola no uza ba necesidade loron-loron nian,” Haktuir

Osan ne'ebe uza hodi halo aktividade negosiu, halo kredit iha Kaebauk, Primeiru foti, $1000, kada fulan stor fali monatnte $145, nune’e, osan $1000 ne’e stor to fulan neen (6) deit remata, depois hafoin fulan neen remata osan funan ne’ebe mak iha rai hamutuk balun uza stor ba Kaebauk nomos balun uza hodi sosa fali sasan hodi kontinua hala’o aktividade to’o ohin loron.

Depois faan nasi bunghkus iha momentu ne’eba seidauk pandemia, koko fa’an to semana ida modal tama ka lae, maibe fa’an to’o semana ida ema komesa hola rame ona nomos modo sira ne'ebe sosa mais ou menus hasai $200 resin maka hodi sosa sasan sira ne'e.

Nia dehan, Difikuldade ne'ebe hasoru iha fatin ne'e maka loron manas udan hanesan agora daudauk anin bele bo’ot maibe mantein fa’an nafatin, a’at liu maka pandemia covid 19 foin dadauk liu ba ne'e hanesan mos difikuldade bo’ot ida mai negosiantes sira ne'ebe fa’an iha dalan ninin.

“Duarante pandemia covid-19 mosu iha ita-nia rai laran, halo ami faan sasan ladun folin, ne'ebe ami fa’an nasi bungukus ne'e ami tenki sukat deit, atu nune'e ema hola hotu, ne'ebe maka ami tein ema ladun rame ami hola sasan mos sukat tuir osan ne'ebe ami iha, pandemia halo ema la rame tiha ami mos para tia, situasaun lao normal fali ema komesa rame ami fa’an fali,” Katak nia.

Nia Afirma, Fatin ne’ebe uza halo aktividade faan nasi bubgkus sente seguru tebes, no agora dadaun rendimentu ne'ebe loron-loron tama kada loron ida bele hetan, $270, maibe depende ba ema sosa deit, menus liu maka $120.

Depois sasan ne’ebe mak atu uza halo nasi bungkus hanesan modo tahan, ayam potong, ikan, fahi aten, manu aten, karau, tahu no seluk seluk tan, maibe atu besik tama ba natal prepara atu buka nafatin osan liuhusi halo kreditu atu oinsa haburas liutan aktividade negosio hodi hetan rendimentu, nune’e mos seidauk iha mehi atu halo negosiu seluk liliu hanesan loke kios.

“Hau seidauk iha mehi atu halo buat seluk maibe ami kontinua fa’an nasi bungkus ne’e hodi sustenta lai ami-nia oan sira nia eskola, karik ami hanoin ida ne'e iha mudansa ona, hafoin ami planu halo fali buat foun iha futuru oin mai,” Esklarese nia.

Alende ne’e mos, Negosiante, Antonio Alves haktuir tan, Moris ne’ebe lasufisiente tanba ne’e faan modo atu bele sustenta familia uma laran no selu alin sira nia eskola.

Nudar maun boot iha uma laran nain hitu kontinua esforsu makas fa’an modo hanesan mostarda, repolu, kankun, ai-farina tahan, ai-dila tahan no funan atu oinsa bele sustenta nesesidade uma bazika familia uma laran nian.

“Modo sira ami faan ne’e, hola husi taibesi mak mai fa’an fali ha ne’e, depois ami gasta hanesan $50 dolar nian, ami negosia fali ninia funan hetan maximu $150 minumu $100 dolar kada loron ida, durante iha pandemia covid19 nia laran ami gasta pursentu 50 (50%) ba hola modo sira mai faan fali iha ne’e nia funan ami hetan $300, se lae $200 dolar,” Haktuir negosiante, Antonio Alves.

Nudar maun boot iha uma laran buka osan hodi selu alin sira nia eskola, se lahare alin sira entaun alin sira ba ne’ebe tanba alin sira nia futuru importante liuhusi eskola mak sira aprende buat ruma hodi tau iha kakutak ba futuru abain bainrua nian. Hanesan maun boot lafo ulun atu eskola maibe pelu-menus ajuda inan-aman buka osan hodi dudu alin sira ba eskola tanba lakohi hare deit inan-aman mak atu buka osan hodi sustente uma laran no selu alin sira-nia eskola.

“Iha hau-nia tempu la fo ulun ba eskola mak ita sai hansan ne’e, maibe hau lakohi alin sira tuir ha’u-nia ain fatin, moris ne’e lalika tur tane liman deit ba inan-aman maibe esforsu makas hodi ajuda netik inan aman sira buka osan hola netik nesesidade uma laran no moris ne’e lalika moe buka osan, lalika moe dudu karosa (tiga roda) maibe ajuda inan-aman buka osan hodi sustenta uma laran no ajuda selu alin sira-nia eskola,” Katak nia.

Iha sorin seluk, Negosiante, Carminda dos Santos, kontinua afirma, Sasan sira ne’ebe faan, sosa tutan lori mai husi Munisipiu, depois sosa kontinua faan iha merkadu Taibesi maibe faan iha kotuk ema ladun sosa tanba nemak ladun hetan rendimentu diak. “Sasan ne’ebe ami faan kada loron ida hetan $10 dolar, tanba ami iha kotuk liu ne’ebe ema ladun mai hola, durante iha covid19 nia laran ema mai sosa duni maibe ladun barak, loron ida hetan deit $20- $30 dolar.

Nia hatutan, ho moris ne’ebe simples faan sasan hodi poupa hamutuk, selu labarik sira nia eskola, selu bemo no nesesidade bazika uma laran nian, kuandu lafa’an sasan, atu halo saida hodi selu labarik sira-nia eskola.

“Durante faan iha buat hotu lao ho diak, maibe ema mak ladun mai hola tanba iha kotuk los, se bainhira ami ba faan iha estrada oin, tauk tanba guarda checking Merkadu (pasukan biru) sira dala ruma mai duni ita no lori ita-nia sasan sira ba hotu ho nune’e maka ami hetan lukru ne’ebe ki’ik,” Relata nia. (BT)