DÍLI----Diretor Diresaun Naionál Prevensaun Konflitu Komunitariu (DNPKK), Antonio Viegas, Hatete, Diresaun Naionál Prevensaun Konflitu Komunitariu (DNPKK) husi Sekretariu Estadu Protesaun Sivil (SEPS) ohin loron fó formasaun ba madatadalan ba mediador no mediadora sira hanesan liñas ministeriais, komunitariu, Autoridade lokák, inklui NGO Belun oinsa estabelese prevene mediasaun konflitu ba nivel komunidade.

“Objetivu prinsipal ba loron ohin ne’e ami fo formasaun ba matadalan ne’ebé mak aprovasaun tiha ona husi ministru interior liliu liga ba ensivel matadalan ba jeneru no ami bolu liña ministeriais ho komunitariu, autoridade lokál sira, sosiedade sivil sira hanesan NGO belun atu hamutuk hodi oinsa para atu sai hanesan autor paz no estabilidade lori ba ema seluk para bele kria paz iha nivele komunidade,” Hateten Diretor DNPKK Antonio Viegas, Ba jornalista sira iha salaun Asosiasaun Difisiensia Timor-Leste (ADTL) Díli, Kinta (14/10).

Entaun ami mak tenki haklaken no lori ida ne’e ba oin, tanba ne’e ami tenki hamutuk para fahe informasaun ba malu para sira mos komprende didiak ami-nia matadalan ne’e oinsa ho ida-idak nia matadalan para ba too iha ne’eba implementa iha terenu.

Nune’e, fahe formasaun ba loron rua ne’e fo matadalan ne’e ba sira para oinsa sira mos bele uza hodi azuda ita nia maluk kbiit laek sira iha terenu liliu dirputante sira ne’ebé mak halo problema no matadalan ida ne’e ita uza ba ema kbiit laek sira mos bele kontenti ho ita-nia matadalan la halo diskriminasaun ba ema. “Formasaun ida ne’e hotu tiha, ita sei fo formasaun baa mi nia mediador sira husi munsipiu-12 inklu RAEOA fo formasaun ba sira maibé ohin konsge hahú ona iha munisipiu Baukau. Likisa, Suai no Maliana sira fo hotu depois sira fahe fali informasaun ne’e ba ita nia komunidade sira,” Dehan nia.

Iha sorin Seluk, Reprezenta UN Women Apoiu DNPKK Rezolusaun konflitu no planu asaun 1325, Zina Oliveira, Hatutan, Atividade loron ohin ne’e hanesan faze ida atu fo formasaun ba mediador sira husi liñas ministeriais inklui mos husi sosiedade sivil, autoridade lokál nomos polisia komunitariu sira oinsa atu bele halo intervensaun ba iha konflitu, iha nivel komunitariu ho mediasaun ne’ebé mak modelu medisaun esensivele ba jeneru nian.

“Formasaun ida ne’e komitmentu husi Un Women apoiu ba DNPKK ne’ebé mak sei halo loron-2 komesa ohin no aban tanba fundus ne’ebé mak husi UN Women fo ba iha DNPKK ba atividade tomak ho montante orsamentu hamutuk $60 mill ba iha atividade tomak laos ba ohin deit maibé atividade tomak apoiu finanseiru ba iha DNPKK,” Dehan Zina.

Nia Informa, Ba Futuru UN Women kontinua iha komitmentu atu bele nafatin kolabora ho DNPKK liliu SEPS ho Ministeriu Interior atu bele eleva liu tan harii paz no dame iha nivel komunitariu. (BT)