DÍLI----Bankada apoiu governu Partidu Libertasaun Popular (PLP)-Deputada, Rosalina Ximenes, Observa sidade Dili lixu nakonu sai naklekar iha komunidade nia leet, nune’e husu ba governu tau atensaun ba lixu sira ne’ebé nakonu iha sidade Díli laran, tanba udan besik ona valeta sira sei la hamoos mak sei akontese tan fali inudasaun.

“Ha’u hakarak husu ba governu atu tau atensaun ba lixu ne’ebé nakonu iha valeta sira iha Díli laran, tanba udan besik ona tau ona valeta sira sei la hamoos mak sei akontese tan fali inudasaun, hanesan dia 4 de Abril iha fulan hirak liu ba ho ida ne’e, dala ida tan husu ba governu atu tau atensaun seriu ba valeta sira ne’ebé nakonu ho fo’er hanesan plastik, aguase, masa, ho fo’er sira seluk tan ne’ebé nakonu iha valeta sira ne’e atu nune’e labele akontese tan hanesan inudasaun bo’ot iha Díli laran wainhira udan tau hanesan dia 4 de Abril,” Hateten Deputada PLP, Rosalina ximenes, liu husi ninia intervensaun iha Parlamentu Nasionál (PN), Tresa (12/10).

Nia hatutan, Tuir mai husu nafati ba governu atu tau matan mós ba populasaun sira ne’ebé vitima ba akontesementu inudasaun iha dia 4 de Abril iha fulan hirak liu ba, ne’ebé sei hela iha fatin refuziadu, sei hela mós iha tenda okus tanba besik udan tan ona sira sei nafatin hela iha tenda okus no toba iha rai mak sei la seguru ba sira no afeita ba sira nai saúde. Ikus liu husu ba governu nafatin atu tau atensaun mós ba populasaun sira ne’eb’e hela iha mota ibun, ka estrada ibun hanesan mota komoro, Manuleana, ne’ebé populasaun sira hela iha ne’ebá.

“Ha’u haree sira sei halo uma aumenta tan uma nafatin, maibé fatin iha ne’ebá uluk dia 4 de Abril ne’e mota sobu estrada sira ne’e naksobu tiha hotu, maibé sira sei hela iha leten nafatin, ho ida ha’u husu ba governu se bele tau matan ba sira, buka fatin hodi muda sai sira husi fatin ne’ebá se la’e antes hakfodak sei akontese tan hanesan hodi bainhirak ne’e,” Dehan nia.

Nia Afirma, Husu ba governu tau atensaun seriu ba sira ne’ebé iha tenda okos, tanba atu besik ona udan, tan ona ita la hatene saida mak sei akontese mai tanba ita-nia sidade Díli ne’e la’os, labele hatete dehan ita atu hadia sidade Díli atu furak no sai bonita, ita hamoos tutuir de’it mak dalan sira ne’e no jardin sira ne’e, la tau matan ba valeta sira ne’e, orsida sei valeta sira mak halo bee sobu tiha furak sidade Díli ne’e. (BT)