ILIOMAR----Xefí Suku Ailebere Libernito Gomes relata, dadaun ne’e, Programa Maõ De Obra Postu Administivu (PEMOPA) iha Suku Ailbere, Postu Administrativu Iliomar, Munisípiu Lautém atinji porsentu 95, hela servisu loron rua finaliza ona tanba traballador sira servisu hetan akompaina husi Autoridade Komunitáriu no Autoridade Aldeia nian.

“Relasiona ho programa ba aktividade ida ne’e, parte Suku Ailebere nian to’o iha Aldeia Heitali liga ba Aldeia Leilor nian kuaze porsentu 95, hela de’it orienta traballadór 20 hodi ateriu tan estrada públiku husi Diresaun Suku Iliomar II ba Postu Administrativu Uatu-Karabau, ne’ebé servisu hela de’it loron 2 ohin no aban,” Hateten Xefi Suku Ailebere Libernito Gomes liu husi Via Telefone ba Jornalista Bisnis Timor (BT) Segunda, (11/10).

Xefí Suku hatutan, Programa PEMOPA parte husu Suku Ailebere nian, ita-nia traballadór servisu kuaze semana rua ho balun ona, tanbá orientasaun husi Postu nian ba Suku servisu durante loron 20 hodi hamos estrada públiku iha área Suku Ailebere nian.

Nia esplika, Suku Ailebere iha Ekipa Rua, ekipa ida kria traballadór hamutuk 20 no ekipa ida seluk kria traballador hamutuk 20, ne’ebé destaka traballadór sira hodi hamos fátin no estrada públiku mak ekipa ida iha área estrada Diresaun iha Suku laran, entre Sede Suku to’o iha Aldeia Heitali ba to’o iha Knu’a Mu’aletana nian, ateiru estrada ku’ak kuaze KM 1 ho balun.

Ho ida ne’e mós Diresaun husi Aldeia Leilor ajusta mós ho estrada rurál nian, Autoridade Komunitáriu no Autoridade Aldeia orienta traballadór sira loke fali estrada foun, tanbá estrada ne’ebé maka traballador loke ne’e ita ema mós labele liu, nune’e Autoridade Komunitáriu no Autoridade Aldeia haruka traballadór sira loke estrada refere, hodi nune’e ita ema bele liu no transporte públiku mós bele halo movimentu ho di’ak.

Nia haktuir, Suku Ailebere kria Grupu II, Grupu ida maka hala’o estrada Públiku, no Aldeia Lalumatu ho Heitali, sira ateiru iha Diresaun Suku Iliomar I, Suku Iliomar II tama área Suku Ailebere nian, ne’ebé mak Parte iha Osohira to’o iha Aldeia Lihinia nian, tanbá ne’e Autoridade Komunitária no Autoridade Aldeia orienta traballadór sira ateiru tan estrada ida ne’e.

Nia relata, Grupu Segundu nian, loke estrada foun iha Diresaun Osohira to’o iha Aldeia Lihina, tanbá estrada refere ita la’o ain bele liu, maibé tempu udan transporte labele halo movimentu, tanbá fó risku bot tebés, tanbá estrada refere kuaze Km 1 ho balun hafoin to’o Komuniade Aldeia Lihini no Komunidade Suku Ailebere nian balun.

“Tanbá ne’e, Suku Ailebere iha Aldeia hamutuk 4, Aldeia 2 iha Suku laran to’o iha Aldeia 1, no Adeira 2 servisu tan iha Diresaun Pusi’Hira Suku Iliomar I nian to’o iha Aldeia Lihina nian, tanbá komunidade Suku Ailebere nian hela besik malu iha Aldeia Lihina, ne’e maka ateiru tan estrada ida ne’e,” Informa nia. (BT)