KOVALIMA----Vise-Ministru Edukasaun Juventude no Desportu (MEJD), António Guterres, hatete, Ohin loron Membru Governu sira fahe malu la’o sai ba Munisipiu hotu atu oinsa sosializa Informasaun no dezaminasaun kontra Covid-19 nomos halo kampaiña ba komunidade sira no eskola sira atu oinsa simu vasina no iha oportunidade ne’e hakarak husu ba inan-aman, estudantes no profesores sira hotu atu disiplina kumpri regra protokolo Ministériu saúde (MS) no Organizasaun Saude Mundial (WHO).

“Iha biban ida ne'e hakarak husu ita hotu liu hosi estudantes no profesores sira, kontinua nafatin kumpri regra Protokolo saúde ni’an, halo prevensaun ba transmisaun Covid-19 iha Munisipiu Kovalima,” Hateten Vise-Ministru MEJD, António Guterres hala’o kampañia vasinasaun iha eskola sekundáriu Geral Públiku Suai, Kuarta (06/10).

Nia hatutan, Regra Organizasaun Mundial Saúde (OMS) liu hosi Ministério saúde hanesan, Fase Liman ho sabaun, uza maskara no distansia sosial, maibé la bele haluha atu simu vasina importante ba saúde durante pandemia covid-19 eskola halo suspensaun ba prosesu aprendijazen tanba implementa Serka sanitária no konfinamentu obrigatório hafoin kontinua fali. “Ita hasoru dezafiu oioin iha prosesu aprendijazen tanba ita nia saùde importante nune’e VIII konstituisionàl iha kompromisiu buka meius atu halo prevensaun Covid-19 nune’e ita nia rai belè tama iha situasaun normal” Deklara nia.

Nia haktuir, Ho prezensa vise-Ministru Edukasaun Juventude no Desportu semana ida iha kovalima númeru vasinasaun iha Kovalima iha nível nasional Kovalima okupa Segunda lugar. Sorin seluk, Diretòr Eskola Sekundáriu Jeral Públiku Suai, Francelino Freitas Carvalho, Hatutan, Atu halo prevensaun ba Covid-19 eskola kria kondisaun instala bee moos iha portaun molok tama iha resintu eskola tenke estudante no profesor tenke no uza màskara.

“Ami instala Bee moos iha aula oin atu fasilita estudante no profesor fase liman iha EJS profesor no estudante maioria vasina ona tanba numeru estudante ih eskola sekundáriu Jeral Hamutuk-2.175 profesores-84,” Haktuir Diretòr Eskola Sekundáriu Jeral Públiku Suai, Francelino Freitas Carvalho. Entretantu tuir observasaun Jornalista Business Timor iha terenu nota katak Vise MEJD Antonio Guterres molok tama ba iha resintu eskola sekundáriu Geral Públiku Suai sei fase uluk liman ne'ebe mak eskola prepara ona hafoin hakat tama ba odomatan boot. (BT)