DÍLI----Presidnete Komisaun Organizadora Sentru Dezenvolvimentu Inkluzaun iha Timor-Leste (CDITL-sigla Portuges) Silviano Jeronimo Vieira, Hatete, Aktividade ohin loron nian loke ho diskursu publiku atu Selebra Aniversariu CDITL ba Dala-4 hodi kria eventu hanesan poezia diskursu publiku no muzika atu promove konesimentu joventude sira nian.

“Kona ba aktividade ohin loron nian primeiru abertura ho diskursu publiku atu selebra ba aniversariu CDITL nian ba dala-4 no mos objektivu sira seluk mak husi komisaun organizadora hakarak kria eventu sira hanesan Poezia, sertame, Diskursu Publiku no Muzika ne’e atu promove eleva konesimentu husi joventude sira ne’ebé mai partisipa ba eventu ida ne’e,” Hateten Presidente Komisaun Organizadora CDITL, Silviano Jeronimo Vieira ba jornalista sira iha Edifisiu CDITL Bekusi Kakeu Laran Dili, Segunda (04/10).

Nia hatutan, Aproveita mós ida ne’e atu ita bele promove objektivu naran inkluzaun hanesan ohin reprezentante SEJD koalia husi MSSI katak ita tenke hamosu bu’at ida inkluzaun, tanba ne’e mak iha konkorenti sira mai iha diskursu publiku, sertame, poezia no muzika ne’e ema ho difisiente no mós ema la difisiente mak bele mai partisipa iha kompetisaun sira ne’e.

Nia dehan, Iha kompetisaun sira hanesan ne’e muzika iha nain-1, poezia iha nain-2 no diskursu publiku iha nain-1 ne’ebé ohin lron sira mai partisipa kompetesaun ida ne’e, Husi ADITL poezia iha mane nain-2, Etibuiu feto nain-1 mak sei kompete iha diskursu publiku no feto ida mak sei komprete iha muzika no iha kadeso nia sei kompete iha muzika ida no Etibuiu nia sei kompete diskursu publiku, Total hamutuk nain-4 mak kompete iha kompetisaun refere, Aktividade ida hahu ohin sei remata iha ohin loron 4 agora sei remata iha loron 7 outrubru kinta.

Iha sorin seluk, Direktor Ezekutivu Sentru Dezenvolvimentu Inkluzaun iha Timor-Leste(CDITL-sigla Portuges) Martinho Guterres, hatutan, Aktividade ba loron lima ne’e hanesan meius adovokasia ne’ebé durante ne’e orgaun orgnizadora ema ho difisiensia halo toka oinsa atu koalia maka’as ba advoka iha instituisaun governu no soseidade sivil atu importansia ba ema ho difisiensia tau iha prioridade.

“Objektivu husi aktividade ba loron ohin durante loron lima ne’e hanesan meius advokasia ne’ebé mak durante ne’e organizasaun ema ho difisiensia halo toka oinsa atu koalia maka’as ba iha atu advoka ba iha instituisaun governu, instituisaun sosiedade sivil sira oinsa tau importansia ba asuntu ema ho difisiensia tau iha priopridade no oinsa mós sosiedade bele kompriende kona ba oportunidade no oinsa atu sosiedade bele halo interaksaun ne’ebé mak separasaun no diskriminasaun la exklui ema ho difisiensia iha aspetu hotu,” Hatutan Direktur Ezekutivu CDITL Martinho Guterres.

Nia dehan, Apoiu ne’e mak husi setor privadu sira ita hatene katak iha kompañia sira hanesan telekomunikasaun nian iha ne’ebé mak iha timor-leste rua telkomsel no timor telekom no kompañia seluk kona ba fa’an telefone iha Fone house ho bee akua freska inklui mós movimentu kligada Xanana grupu ida ne’e mós fó apoiu maximu tebes.

Nia haktuir, Iha apoiu ne’ebé mak ami hetan intermus finanseiru rasik no rekursu fasilidade balun liliu ba iha sasan ne’ebé mak presija hanesan konsumu ninian, apoiu ne’ebé sira fó diretamente balun la fó osan, sira fó liu husi kuda item ne’ebé mak ami presija liliu hanesan planel imprimu, id card ba funsaun organizador, iha akua freska apoiu bee ida ne’e mak ami hetan.

“Ami konsege rejista difisiente nain rua ba tipu kompetisaun rua iha kompetisaun tipu ha’at maibé partisipasaun menus tebes difisiente, tanba difisiensia barak balun senti seidauk preparadu di’ak no balun mos kompetisaun ida ne’e la’os la disponivel atu sira partisipa, tanba maluk difisiensia tilun sira atu partisipa, maibé dalaruma la par ho sira kondisaun, tanba diskursu publiku entaun sira labele tuir,” Haktuir nia.

Enkuantu, Direktor Ezekutivu Diresaun Nasionál Ativizmu Joventude Sejd Jacinto Antonio Ximenes, haklean, aktividade ida ne’e ba ema ho difisiensia tebes atu tuir hodi komemora loron aniversariu CDITL nian, aktividade ne’e impotante tanba fó espasu ba joven sira. “Aktividade ohin ne’e ba maluk sira sira husi difisienta aktivu tebes atu tuir, tanba primeiru sira komemora aniversariu bad ala ha’at ba CDITL no aktividade ne’ebé sira halo sertame, poezia, diskursu publiku no muzika, aktividade ne’e importante tanba fó espasu ba joven sira, tanba joven sira ne’e la’os difisienti maibé ne’e inkluizaun,” Haktuir Direktor Ezekutivu DNAJ, Jancinto Antonio Ximenes.

Entaun ida ne’e hanesan oportunidade di’ak ida ba joventude sira atu bele espresa sira nian talentu no kreatividade ba momentu ida hanesan ne’e tanba Governu liu husi Sekretariu Estadu Joventude No Desportu sempre motiva no apresia ba programa hotu ne’ebé joven sira halo, tanba area Joventude ne’e area ida ne’ebé bo’ot no ema hotu tenki preoukupa ba joventude.

Nia subliña, Husi parte SEJD tuir visaun politika ne’ebé iha SEJD katak foinsa’e milenial kreativa, tanba aktividade sira ne’ebé joven hotu halo iha sosiedade nia le’et ligasaun ho dezenvolve kreatividade joventude sira, ita hotu apresia ba sira nia talentu. (BT)