DÍLI----Presidente Autoridade Munisipiu Manufahi, Arantes Izac Sarmento, Hatete, Munisipiu Manufahi iha suku-15 mak to’o oras nee seidauk asesu ba Liña Eletrisidade, Maibé Suku-14 Asesu Ona.

“Ha’u Hanoin Manufahi iha 29 suku, 14 mak asesu restante seluk too agora seidauk asesu na enerjia elektrisidade, iha 14 suku ne’ebé mak iha, 15 suku mak seidauk asesu ba iha enerjia elektrisidade,” Hateten Presidente Autoridade Munisipiu Manufahi, Arantes Izac Sarmento ba Jornalista BT Iha Hotel Timor, Kolmera, Sexta (01/10).

Nia hatutan, Ba Suku sira ne’ebé mak seidauk asesu ba Liña Elektrisidade tinan ida ne’e hahu ona tenderizasaun depois mak hare ba espasu tuir mai. “Suku Sira ne’ebé mak seidauk asesu enerjia elektrisidade tanba durante ne’e ita hotu hatene katak, tuir lolos ne’e hahu ona ina 2020 maibé depois Orsamentu Jerál Xumba entaun kada EDTL Munisipiu halo ona identifikasuan ba suku sira ne’e, suku sira ne’e tinan ne’e hahu ona tenderizasaun ba suku sira ne’ebé seiduak asesu elektrisidade,” katak Presidente Manufahi.

PAM, Manufahi relata, Iha tenderizasaun ne’e iha fali retender de’it mak kontratu, suku rua de’it mak kontratu hanesan suku Tutuluru Hahu Ona kontratu no postu adminitrativu Same nian iha Suku Aitimua ho Minelo iha postu Turiskai ninian dadaun ne’e asina kontratu no Konpañia hahú halao implementa Obra, restante seidauk tanba hein hela prosesu retender.

“Ha’u katak suku 29 ne’ebé mak iha munisipiu Manufahi liu-liu suku sira ne’ebé mak seidauk asesu Enerjia elektrisidade dadaun ne’e prosesu tenderizasaun lao ona tanba esforsu boot ida husi ekipa EDTL Munisipiu inklui mós MOP, dadaun ne’e esforsu hahú lao ona,” Afirma Presidente Autoridade Manufahi, Arantes Izac Sarmento. (BT)