DÍLI----Magnifiku Reitor Instituto de Cienscia Religiosas (ICR), Padre Crisostomo I. Salar Jr. SVD, Hatete, Ohin Instituto de Cienscia Religiosas (ICR) halo serimonia graduasaun ba dala VIII ba graduadu hamutuk na’in-80 ne’ebé akaba sira nia estudu iha nivél Lisensiatura no Baissarelatu.

“Iha tinan ida ne’e ami iha finalista na’in-80 mak halo graduasaun, ne’e husi tinan rua nian tanba tinan 2020 la konsege hala’o graduasaun tanba pandemia covid-19, entau sira nia kompozisaun ne’e tinan rua, só hotu-hotu graduasaun hamutuk 80 ne’ebé kompostu husi fakuldade rua, Fakuldade Serbisu Sosiál ninian hamutuk na’in-17 no fakuldade Edekusaun, formasaun profesor Relijiaun ninian hamutuk 63,” Hateten Magnifiku Reitor Instituto de Cienscia Religiosas (ICR), Pe. Crisostomo I. Salar Jr. SVD iha serimonia graduasaun iha Salaun Catedral Dili, Kinta (30/09)

Nia dehan, Ba graduadu sira nia sakrifisiu, pasiensia no inan aman sira-nia suporta ba oan sira, hatene katak la fasil ba oan sira nia estudu iha nivel universidade durante prosesu tomak maibé ohin imi konsege ultrapasa obstaklus no hetan ona susesu. Magnifiku Reitor Hatutan, At hetan suscessu laos fasil maibe liuhusi Prosesu naruk tanba ne’e husu graduantes hotu atu oinsa kontinua hatudu nafatin bukae ne’ebe mak iha hodi kontinua servi nasaun Doben Timor Leste.

“Susesu ne’e liu husi prosesu ida tanba ne’e ohin imi hetan ona grau lisensiadu no Baissarelatu, kontiua nafatin imi-nia profisionalizmu hatudu nafatin imi-nia matenek iha imi-nia serbisu fatin hodi servi nasaun ida ne’e, tenke kontrola situasaun iha ita nia fatin liu-liu iha imi nia kna’ar fatin atu bele hetan susesum liu tan tanba graduadu sira husi fakuldade Edukasaun ninian, antes sira sidauk simu graduasaun barak mak serbisu ona hafoin remata sira nia estajiu pedagojika. Graduadus ohin iha lisensiadu no iha mos Baissarelatu,” Salienta Magnifiku Reitor Instituto de Cienscia Religiosas (ICR), Pe. Crisostomo I. Salar Jr. SVD.

Iha sorin seluk, Reprezentante graduadu sira, Ana de Fatima, Hatutan, Faktus hatudu katak ICR sai hanesan ami-nia uma mahon ba daruak ne’ebé hahoman siensia ho multi funsaun relijiaun moral hodi dezenvolve vida umana tanba edukasaun moris atu eduka ema moris. “Ha’u simu konfiansa bo’ot husi ICR no enome kolega graduadu sira katak, ohin sai realidade ba ami graduadu sira ne’ebe hafutar a’an ho uniforme ne’ebé ICR sai hanesan ami-nia uma hamon daruak. Ohin ami labele dehan tan katak, ami triste maibé ami kontente tebes tanba domin husi ICR no ami kontente tebes tanba iha Mestre/a sira ne’ebé di’ak hodi eduka ami ho fuan mak ohin loron ami susesu,” Haktuir Reprezentante graduadu sira, Ana de Fatima.

Nia haktuir, Hanesan graduantes kontente tebes tanba iha inan no aman ne’ebé hahoris no forma ona ami ho domin ne’ebé bo’ot, nune’e loron ida ohin marka istoria bo’ot ba ami graduadu sira iha koridór ba moris no edukasaun durante ami nia luta tanba liuhusi ICR maka ohin ami hambrik iha ne’e ho fiar ne’ebé metin.

“ICR maka ohin ami hetan graduasaun no liu husi ICR loron aban ami sei haklaken, servi no ami sai sasain moris ba ICR. Liafuan tanba ICR demostra resposavél moral ne’ebé nahas husi Magnifiku Reitor no korpu dosente sira durante prosesu aprendizajen tomak, ne’ebé transforma ona ami sai duni Maromak ninia ema, ami orgullu tanba ICR iha momentu ida ne’e ami laiha murak mean ka mutin atu selu ba ICR maibé hosi fuan ne’ebé kmo’ok ami husu agradese, obrigadu no Diskulpa,” Hateten reprezentante graduadus. (BT)