DÍLI----Diretor Diresaun Nasionál Empregu exterior (DNEE), Sekretariu Estadu Formasaun Profesionál no Empregu (SEFOPE), Filomeno Soares, Informa, Trabaladores Timoroan iha Australia no Korea do Sul pesoal balun halai sai ona husi sistema tanba kontratu remata ona.

“Trabalador ne’ebé mak halai sai husi sistema iha Australia ne’e besik 300 mak halai husi sistema iha Australia, nune’e iha Korea mos iha mais ou menus besik 200 ba laten,” Hateten Diretor DNEE-SEFOPE, Filomeno Soares ba jornalista sira iha nia kna’ar fatin Bekora Díli, Kuarta (15/09).

Nia hatutan, Antes sedauk covid-19 sistema iha Australia laiha maibé depois de covid-19 sistema iha entaun Trabalador sira hases a’an tanba kontratu remata ona.

Antes tama iha illegal hanesan ne’e, antes covid-19 ne’e buat ida hasesan husi sitema ne’e ba Australia sedauk iha maibé depois covid-19 entaun akontesimentu ida labarik sira hases an husi sistema ne’e iha tanba ita hatene katak Trabalador ba servisu iha Australia liu husi Programa Seasonal Worker, servisu ida ne’ebé mak musiman deit, sira iha kontratu minimu mak fulan lima no masimu mak too fulan sia maibé too iha ne’eba sira-nia kontratu remata ona mosu surtu covid-19 ne’e iha empregador ne’ebé servisu inisiu sira ba servisu ne’e la iha tiha ona atividade atu fo sira, entaun sira konsege haksoit sai ba buka fali servisu seluk.

“Agora dadauk ita-nia libertador sira iha ne’eba sira buka para oinsa mak atu bele sira ne’ebé hases an husi sistema ne’e atu bele fo informasaun ba sira para mantein nafatin kuidadu sira-nia saúde tanba governu laos haruka ba para atu sai husi sistema tanba sai husi sistema kerdizer tau sira nia an iha risku bo’ot sira lakon buat hotu-hotu, lakon ba kontrolu estadu nian ba sira maibé ita buka para oinsa mak sira bele kuida sira nia an,” Afirma nia.

Nia haktuir, Trabalador sira iha ne’eba ita manan mak osan ne’ebé mak sira hetan sira haruka mai, maibé sira ba iha ne’eba ne’e taxa, ne’e sira selu ba iha ne’eba tanba ajensia empregador sira governu Australia maibé agora temporaria ne’e sira ba iha ne’eba servisu selu ba ne’eba, maibé ema selu sira hatam osan mai no taxa ba governu temporariamente ba Australia sedauk iha. (BT)